pedâl
pe|dâl
[AF]
-
s.m.
tronc dal arbul che al va de tiere fin dulà che si divît tai ramaçs:
Laurinç si fermà dulà che il boscut di pôi al finive, e si poià cuintri di un pedâl (Agnul di Spere, Il sît di Diu)
Sin. tronc
Cfr. taie
, çoc
, çocje
-
s.m.
[BF]
(fig.)
cui che al è calcolât la origjin di une famee, di un popul, di une raze e v.i.:
mi à dit l'oracul, che di altri paîs, / è il marît che nassût è par mê fia; / dal cui pedâl pulularan chei fîs, / che al cîl solevaran sta monarchia (Zuan Josef Busiç, La Eneide di Virgjili)
Sin. çoc
, çocje
-
s.m.
jeve di un mecanisim che si môf cul pît:
culì ducj a van in puescj cjadaldiaul in biciclete. […] E alore o ai decidût: ancje jo o fasarai il gno librut des mês aventuris su lis dôs ruedis e sui pedâi (Laurin Zuan Nardin, Migjee);
e vevo frenât, pocant masso fuart sul pedâl e riscjant di lâ a bati imò il cjâf (Fulvio ReddKaa Romanin, Geologicamente impossibile);
une arpe plui piçule di chê doprade inte musiche classiche, cence pedâi (Matteo Fogale, Cuant che ancje il strument al è difarent)
Proverbis:
- supierbie e ignorance a nassin sul stes pedâl