clocje
/clò-/
clo|cje
[CO, TS]
-
s.f.
zoot.
gjaline che e à fat i ûs, che ju clucìs o che e à i poleçuts e che e viôt di lôr:
[…] clo clo nus fâs la clocje / par racuei i siei picinins (Toni Broili, La mê ploiute);
o voi un moment a dâi une ocjade a la clocje che i ûfs son ducj spiçâts e bisugne judâ i poleçuts a saltâ fûr (Pieri Somede dai Marcs, Resurezion a Pontinie)
Var. glogje
Cfr. gjaline
-
s.f.
(fig.)
mari une vore atente e protetive:
«Cun Stiefin o ai fate la clocje par masse a lunc, lu ai tignût a sotet des mês alis», e suspirà Ester (Mario De Apollonia, Il timp par ledrôs)
-
s.f.
agr.
tronc di arbul, soredut di morâr, che dopo di jessi stât taiât o spedât, al torne a butâ:
[il fatôr] al capitave di scuindon tal cjamp dulà che a lavoravin i sotans, par sintî ce che a disevin platât tes clocjis o tal sorc (Dino Virgili, La aghe da pît la cleve);
di là parsore il lûc al jere simpri compagn: la plante des clocjis, la stradelute di rive sù, il rôl, i mûrs de glesie scrodeâts (Lucio Perès, Messe a Sant Zuan)
-
s.f.
implant di iluminazion che si picje adalt, soredut cun plui braçs, che a tegnin sù cjandelis o lampadis o lampadinis:
l'è zaromai scurot, impiin i lampionons e li clocjis tal breâr (Dolfo Zorzut, La furlane);
al veve une vôs che a tremavin i veris e e trindulave la clocje cuant che al cjantave (Meni Ucel, Messe a straoris)
Cfr. lampadari
, cesendeli
-
s.f.
[TS]
astron.
soredut cun iniz. maiusc., costelazion de Ursa minor
Sin. stelis tramontanis
, cjar piçul
Polirematichis e espressions idiomatichis
Proverbis:
- a muerin plui poleçs che no clocjis