gnoc
/-ò-/
gnoc
[AF]
-
s.m.
toc di paste, che e pues jessi fate di diviers ingredients, tant che farine, patatis, coce, spinaze, scuete e v.i., preparade in formis plui o mancul tarondis e plui o mancul gruessis, che in gjenar si cuein ta la aghe bulinte, si pues intindi tant che sinonim perfet di macaron, o ben indicâ un formât un pôc plui grues:
la specialitât de cusine e jere la famose mignestre di fasûi frescs, cul vues dal persut, e i gnocs cu la "scueta di mont" (Ugo Masotti, Comelians di une volte);
anìn ca a mangjâ che i gnocs a son parecjâts (Giovanni Tavoschi, Zuanut e Regula)
Sin. macaron
Cfr. pistum
-
s.m.
forme plui o mancul taronde di une cualchi materie:
tai siei ricams a pont in crôs al jere simpri cualchi gnoc, o alc di dismenteât (Carlo Sgorlon, Ombris tal infinît);
messedâ ben par che la polente no fasi i gnocs
Sin. grum
, grop
-
part sglonfe sul cuarp, par vie di une bote o ancje di une inflamazion, di une deformazion e v.i.:
al à cjapât une bote e i à vignût un gnoc sul cerneli (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. ciespe
, ceregne
, curumbule
, grumbule
, gnucul
, gnucule
, brugnul
, brombul
-
s.m.
(fig.)
colp dât cu la man sierade:
«Prea, biât, che se a ti riva un gnoc su la cadopa, la tô Madona a na ta lu gjava, di sigûr!» (Novella Cantarutti, L'uminin dai stecs)
Sin. pugn
-
s.m.
(fig.)
persone pôc inteligjente:
jo o stavi zito, e, al plui, mieze ridade / ur faseve capî, se no erin gnocs, / che o intendevi di bati la mê strade (Luigi Birri, La matetât dal om)
Sin. bacalà
, basoâl
, biât
, brocul
, cudumar
, macaron
, melon
, pagnoc
, pataton
, pistum
, râf
, salam
, stupit
Proverbis:
- la dote e maride la gnoche