Dizionari de Lenghe Furlane

brugnul  /brù-/  bru|gnul  [CO]

1. s.m. pome cu la scusse colôr blu scûr che al tire sul viole, cu la polpe zale, di savôr dolç, fate dal arbul Prunus domestica, soredut de var. damascena, o ancje, daûr de localitât, pome de stesse specie ma di varietâts cu la scusse zale o rosse:  us darai moris di baraçs, e râfs, / cuargnui, e forecûi, e brugnui sclâfs (Ermes di Colorêt, I, 26); Gno pari al diseve: «Mai bevi robe spiritose daûr di vê mangjadis pomis. Gno fradi che al sarès to barbe Ustin, al è stât li li par tirâ il pît par vê fate une mangjade di brugnui e po bevudis dôs tacis di vin» (Alan Brusini, Un dai pôcs)
   Sin. ciespe
   Var. brundul¹ , bromp , brombule , brombul
   Cfr. emul
2. adi., s.m. colôr blu scûr che al tire sul viole:  il cîl al jere blâf, l'aiar rampit, il mâr brugnul, il savalon blanc (Fabian Ros, Eivissa mon amour)
3. s.m. (fig.) part dal cuarp sglonfe e in câs rosse, soredut par vie di une bote:  ma un l'à un brugnul sul cerneli, / un un voli macolât (Maria Gioitti del Monaco, Une partide di tressiet)
   Sin. bolze , cluc , curumbere , curumbule , macadure , macolade , macjadure , macoladure , macule , gnoc , bote¹ , grumbule , gnucul , gnucule , ciespe , ceregne , brombul , ceve , crugnul , crugnule , cevole , crup¹ , clup

Proverbis:

• no ven la fiere in chê dì che si mangje i brugnui