Dizionari de Lenghe Furlane

brocul  /brò-/  bro|cul  [CO, TS]

1. s.m. [BF, TS] bot. part di une plante che e da infûr par fâ nassi un gnûf ramaç o gnovis fueis:  l'è necessari di tignî nete di brocui la menade par che la mace del morâr resti slisse e biele (Giuseppe Ferdinando del Torre, Il contadinel. Lunari par l'an bisest 1856)
   Sin. butade , menade , butul , butule , cecje¹ , voli
   Cfr. supiol , supion , sansugule , pulin , impulin
2. s.m. bot.com. varietât di verze cun infloressence fisse, che si mangje tant che ortaie, lat. sient. Brassica oleracea var. italica:  a usavin a meti in vivâl trê grandis cumieris di brocui par mangjâ di magri dute la cuaresime (Riedo Pup, I furlans e la pinitince)
   
   1. gastr. infloressence di chê plante, che si mangje tant che ortaie:  jemplade di verzis o di patatis, di râfs o di brocui, la cite e veve simpri il so lavôr (Roberto Ongaro, Cretevierte)
3. s.m. bot.com., gastr. par Brassica oleracea var. capitata, viôt capûs :  par fâ il craut (brocui garps o «Sauer-Kraut» dai todescs) bisugne proviodi une mastelute (Emilia Baldassarre, Ort e cusine)
4. s.m. bot.com., gastr. par Brassica oleracea var. sabauda, viôt verze
5. s.m. persone pôc inteligjente o cun pocjis capacitâts, ancje tant che ofese gjeneriche:  «Puar brocul, se no tu fasis di miôr, chest nol è mistîr par te!» (Pieri Menis, La scuele dai fornasîrs); o sarès seneôs di savê cui che al è chel brocul che al è lât a contâ a gno zinar che jo mi soi dissipade une man (Josef Marchet, Lis predicjis dal muini)
   Sin. simiot , aloc , balote , barbezuan , batecul , batocj , biadin , catùs , coion , corli , cudumar , çondar , dordei , dordul , gnoc , gnogno , gnognul , imbambinît , lodul , mamo , marlup , mierli , mincjon , mone , monighe , pantalon , pote , salam , semplon , socol , stupit , totolò , biât , cretin , babuin , incoionît , râf , pistum , sacodâl , sturnel , sturnît , baban , bacalà , lolo , mauc , basoâl , mus , gnotul , batali , brombul , dordel