Dizionari de Lenghe Furlane

çondar  /çò-/  çon|dar  [AF]

1. adi. che dentri nol è plen, che nol à o che i mancje il didentri o il contignût:  il tronc al è dut carulît, scjarnât, çondar, roseât di bestiis e timpessis (Ivano Urli, Beput Cinisiti)
   Sin. sbûs , vueit
   
   1. (fig.) che i mancje alc ancje imateriâl:  la domenie çondare cun lûs svoiade e pegre e finive ta la ombrene dai miluçârs: lui le finive dongje un mos di bire, cjalant cence viodi (Maria Forte, Varc di confin)
2. s.m. part vueide di alc o part destinade a contignî alc:  I fruts di Vendâs di une volte a començavin a lâ a nîts a pene nassûts: tai çondars dai lens a parussats, tai cisons a merlots, tai prâts a viert a lodulis e calandris (Alan Brusini, Par stradis lungjis)
   Sin. vueit , bûs , buse
   
   1. grant ingjâf intal teren o tal cret:  il rimit Cjandit si fermà tal çondar di chel cret che si jeve a tramontane sul spieli dal lâc (Josef Cjargnel, La gnot di Sant Cjandit)
      Sin. bûs , buse , busate , landri
3. adi. che al sune ribatût plui voltis:  lis stanziis a vevin il rivoc çondar dal vueit (Maria Forte, Cjase di Dalban)
   Sin. vueit
   Cfr. rivoc , eco²
   
   1. che al sune bas e profont:  un altri om cu la vôs çondare come une coce di sant Roc (Josef Marchet, Lis predicjis dal muini)
      Sin. grocj , profont , rusin , grocjôs
      Cfr. scledar , gargaiôs , sgrasaiât
4. adi., s.m. che, cui che al è une vore pôc inteligjent:  "Ma sêstu çondar dal dut?" (Stiefin Morat, Donald dal Tiliment)
   Sin. balote , barbezuan , batecul , batocj , biadin , catùs , coion , corli , cudumar , dordel , gnoc , gnogno , gnognul , imbambinît , lodul , mamo , marlup , martuf , marzoc , mierli , mincjon , mone , monighe , pantalon , pote , salam , semplon , socol , stupit , totolò , aloc , bacalà , biât , cocâl , gnotul , çus , sturnel , basoâl , dordul