rusin
/rù-/
ru|sin
[AF]
-
s.m.
sostance scure, in gjenar di colôr che al tire sul ros o sul brun, che e risulte de ossidazion dai metai, soredut dal fier:
il ristiel dal curtîl al jere plen di rusin (Carlo Sgorlon, Ombris tal infinît);
un curtìs vieri plen di rusin
Var. ruzin
-
adi.
che al è cuviert di chê sostance, che al è ossidât:
une vecje biciclete rusine, di chês dai bersalîrs, cu lis gomis plenis (Checo Tam, Sante);
il puarton dal cjistiel si jere sierât cence remission daûr dal capelan, ciulant sui cancars rusins (Pieri Menis, La int)
Sin. rusinît
, inrusinît
-
s.m.
(fig.)
dificoltât o durece tal fâ alc pal fat di no jessi usâts:
i dincj de ruede burocratiche a podaran parâ vie il rusin (Josef Marchet, La regjon in pericul)
-
adi.
(fig.)
che al è vecjo o che al funzione mâl:
la rusine machine de justizie e scomençà a movisi (Roberto Ongaro, Cretevierte)
-
adi., s.m.
colôr ros scûr che al bute sul brun:
sot il so pas, si indurive une croste rusine di gusielis di peç (Maria Forte, La tiere di Lansing)
Sin. colôr di rusin
, colôr rusin
-
adi.
(fig.)
di vôs o sun, che al grate:
nus someave che di là sù, une vôs rusine nus cridàs (Maria Forte, La rive di Sant Pieri)
-
s.m.
(fig.)
sintiment negatîf e agressîf cuintri di cdn. o di alc:
isal mai pussibil che un pari al puedi mantignì un rusin cussì grant tal cûr? (Pieri Somede dai Marcs, Gnot di Nadâl);
al à savût conservâ fint al ultim la sô anime frute, cence malicie e cence rusins, curiose e cjantarine (Antoni Beline, La lôr vite, il plui biel cjant)
Sin. rabie
, smare
, marum
, asse1
, ruze
, rancûr
-
adi., s.m.
[TS]
agr., bot.
malatie fitopatologjiche produsude di foncs dal ordin des Uredinâls, che a metin fûr sporis colôr ros che al tire sul brun:
lis fueis zovinis si cjapin sù a Vierte (no si à di cjapâ sù chês cun maglis di rusin parcè che a son foncs parasits) (Giorgio Pascoli, Il Litum: jerbis salvadiis te cusine)