Dizionari de Lenghe Furlane

smare  sma|re  [AF]

1. s.f. (fig.) umôr negatîf, messedât di avilizion e di rabie:  cumò, bessôl, li, e la ploie difûr, e dentri une smare, un vueit, un malstâ di fisic… (Dino Virgili, La aghe da pît la cleve); Zuan al tornà in ostarie a inneâ dute la smare ingrumade (Maria Forte, La tiere di Lansing)
   Sin. amarece , aviliment , avilizion , cruzi , displasê² , dolôr , gramece , lancûr , malincûr , maluserie , marum
2. s.f. aversion cuintri di cdn. o di alc:  cu la smare che e veve intor i veve scrit une letare di fâ vignî i sgrisui (Alan Brusini, Par stradis lungjis); mi ven la smare cuintri ciarts di lôr / che nassûts in Friûl, furlans di pari, / ur semee, ma cjalait, brut e ordenari / lu dialet nestri, che no 'nd è di miôr (Pieri Bonin, Mi ven la smare)
   Sin. marum , rusin , asse¹ , maluserie , tristerie , odi , odie , rancûr , ranzidum , ruze , velen , ostilitât , malevolence , bruseghin , fote , rabie
3. s.f. [BF] voie fuarte e imburide:  "Ce che al impuarte al è che siore Luzie e stei tal jet, che i passi la smare di cierts progjets che ai sintût pe vile […]" (Pieri Somede dai Marcs, Ursule)
   Sin. smanie , bruseghin , voie , brame , furie