tristerie
/-té-/
tris|te|ri|e
[FO]
-
s.f.
disposizion a fâ mâl o a fâ stâ mâl:
nol jere plui tant par Vigji che e pative, vadì, ma pe tristerie di cierte int (Maria Forte, Il tei);
al sintive ta la anime une grande tristerie, une voie mate di svindic (Alan Brusini, Par stradis lungjis)
Sin. barbaritât
, bestialitât
, cagnetât
, cjativerie
, crudece
, cruditât
, disumanitât
, ferocitât
, infametât
, inicuitât
, inumanitât
, mostrosetât
, necuizie
, tristizie
, carognetât
-
robe pensade, dite o fate par fâ mâl:
une vuere, cun ducj i siei pericui, lis tristeriis, lis crudeltâts (Roberto Ongaro, Il muc);
no nassevin tristeriis, par vie che tes fameis no jere mai chê bondance che e fâs sclopâ la invidie (Maria Forte, Cjase di Dalban)
-
s.f.
malstâ no ben definît:
o ai une tristerie intormi come se o ves di inmalâmi (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. cjativerie
, gnagnare1
Cfr. maljessi
, malstâ
-
s.f.
mancjance di volontât o di capacitât:
nissun po aromai sierâ i voi su lis cundizions indulà che si è ridusût il popul talian alt e bas […] par insipience e tristerie di guviers che lu àn lassât te miserie e ta la ignorance (Josef Marchet, Sul ôr de buse…)
Cfr. malevoie
Proverbis:
- la int a àn plui tristerie che no timôr di Diu
- la miserie a fâs tristerie
- la tristerie a mene miserie, la miserie a mene pedoi e i pedoi a mangjin ancje i voi