malstâ
mal|stâ
[AF]
-
s.m.
indisposizion, cundizion fisiche negative no ben definide o no masse grave:
«[…] dopo un pôc al torne a cjase cuntune tremarice, un malstâ che no sai dîti… i ai fate une camamile, ma no i à zovât in dute la gnot… no sai se o varès di clamâ il miedi…» (Pieri Menis, Doi pizighets e un lari);
la none e rive, e viôt dai fruts, ju jude a fâ i compits, ur lei o ur conte lis flabis e ju assist se a àn cualchi malstâ (Riedo Pup, Nonos e nonis a nauli)
Sin. maljessi
, fastidi
-
s.m.
il no jessi in pâs, cuiet o sodisfat:
in chê sere di Avost, sù pe strade de mont, si sintive, fra la int, un malstâ, un sens di vueit, di mancjance di alc, tant che intune partence (Roberto Ongaro, Cretevierte);
al plombà fra di lôr un cidin plen di malstâ (Maria Forte, La tiere di Lansing)
Sin. incuietudin
, turbament
-
stât di insodisfazion agressive cuintri di cdn., soredut cuintri des autoritâts:
il malstâ sot de Austrie al à une incressite che e sburte a lis azions armadis dal 1848 (Elio Varutti, Il Risorziment a Martignà)
Sin. malcontent
, marum
, rabie