bruseghin /-ìn/ bru|se|ghin [CO]
- s.m. sensazion di desideri che al stuzighe o di incuietudin: e si sint un bruseghin / improvîs, di gnove date / par amâ cualchi fantate (Pieri Çorut, Pes gnocis Fabris-Bearç); la figure di Ane e balinave devant di lui cun movencis che i metevin intor il bruseghin (Gianni Gregoricchio, Îr e doman)
- s.m. sensazion di gnervôs fastidiôs: o sin une vorute, culì in Friûl, che o vin un fregul di afiet e di passion pe nestre lenghe e che o sintìn un bruseghin malandret a viodile strapaçade (Josef Marchet, Dome un rimiedi par salvâ il furlan: insegnâlu tes scuelis); une dì che done Cheche i veve bruntulât disint che e veve consumât masse savon a lavâi chei cuatri sbrendui, e tornave a cjase cul bruseghin sul stomi (Pieri Menis, Il tesaur di done Cheche)