dolôr
do|lôr
[FO]
-
s.m.
sensazion di soference fisiche:
fan, frêt, sêt e dolôrs par dut il cuarp pes vuadulis che al veve cjapât (Roberto Ongaro, Il muc);
Ghine distirade sul jet, cu la gjambe inzessade e plene di dolôrs par dute la vite (Pieri Menis, Il testament)
Sin. duliment
, lancûr
, mâl
, pene1
, soference
, dulie
, patiment
-
s.m.
[TS]
med., neurol.
sensazion di mâl, determinade de stimolazion di ciertis fibris sensoriâls, che e à il fin biologjic di protezion par vie che e segnale situazions che a podaressin jessi di pericul pal sogjet:
il dolôr al nas partint di specifics recetôrs dal dolôr (nocicetôrs) che si cjatin sedi inte superficie dal cuarp (piel) sedi in profonditât, vâl a dî a nivel di muscui, tendins, vues e orghins internis (Franc Fari, Neurosiencis dal dolôr)
-
s.m.
il patî ta la anime, sensazion di soference psicologjiche:
a Mariute i vignive il dolôr de cjase lontane, cuntune lagrime su la muse (Maria Forte, Sul cjar di Pauli Gurin);
se savessis, fantacinis / ce che son suspîrs di amôr. / E si mûr si va sot tiere / e ancjemò si sint dolôr! (Popolâr, Se savessis, fantacinis)
Sin. gramece
, passion
, pene1
, dulie
, lancûr
, patiment
Proverbis:
- bêçs e dolôrs cui che ju à sai ten
- cui che al nudrìs gnece al nudrìs il so dolôr
- dolôr al è dolôr, ma la fam e je piôr
- fûr il dint e vie il dolôr
- masse amôr ti svuarbe, masse dolôr ti cope
- mignestre riscjaldade a fâs dolôr di panze
- pal dolôr di cjâf no lasse di vignî la fiere
- pan di siôr al è pan di dolôr
- prin dal matrimoni a son rosis e flôrs, po spinis e dolôrs