dulie
/-ì-/
du|li|e
[AF]
-
s.f.
sensazion di soference fisiche o psicologjiche, soredut se e dure avonde timp:
o soi guarît une volte di une dulie cul gras di marmote comprât sul marcjât di sant Laurinç a Udin (Costantino Smaniotto, Il speziâr);
chest pinsîr i meteve une dulie tal cûr (Pieri Menis, Sul agâr);
nol rivà a indurmidîsi; al veve ancjemò intorsi une mare dulie da la anime che nol rivave a bonâ (Amedeo Giacomini, Tal ospedâl)
Sin. duliment
, lancûr
, mâl
, pene1
, soference
, dolôr
Cfr. crôs
, spine
, doie
Proverbis:
- e je piês la pôre che no la dulie
- no je vencjarie cence furmiis, no je veglece cence duliis
- no si po vê il gust cence la dulie
- nol è un çoc cence furmiis, nol è un vieli cence duliis