Dizionari de Lenghe Furlane

profont  /-fò-/  pro|font  [FO]

1. adi. che al à une grande distance o une cierte distance fra il limit superiôr e chel inferiôr:  cualchidun [dai poçs di aur] al è profont ancje 1.000 metris (Javier Grossutti, La emigrazion dal Friûl - Vignesie Julie in Canadà); te zone si son depositâts sediments carbonatics di mâr profont (Francesco Gobbo, Gjeologjie e paleontologjie ator di Preon)
   Sin. alt¹ , font¹
2. adi. (ancje fig.) che al jentre dentri inte tiere o insot:  la lenghe mari e je la lenghe des lidrîs, chês profondis che no àn di glaçâ mai (Erika Adami, Il zûc de ocje in lenghe)
   Sin. font¹
   
   1. (ancje fig.) che al jentre dentri o che si slungje in sens orizontâl:  un tunel profont; fin a rivâ tal Mâr Adriatic si cjate une zone di planure avonde profonde, che e ocupe sore dal 40% de superficie totâl de regjon furlane (Mauro Pascolini, Andrea Guaran, La planure e la cueste dal Friûl)
      Sin. font¹ , lunc
3. adi. di sunôr, bas, che al somee vignî dal fonts dal pet:  il cjant religjôs dai côrs di Athos […] armonie perfete di vôs profondis e incisivis (Adrian Cescje, Viaç aes origjins dal Logos); chel rumôr al veve un rimbomp profont e sierât che al stupidive (Pieri Menis, Lis leiendis di Buie)
   Sin. baritonâl , bas , grivi , torgul , font¹
   
   1. di colôr, scûr e cun intensitât:  grancj cristai di un blu profont (Checo Tam, Reincarnation)
4. adi. dal sium, cussì complet che al fâs polsâ tant e che al è dificil di interompi:  daûr di une alte mont / ne grande pâs e regne / che e pâr un sium profont (Anonim, A planc cale il soreli)
   Sin. font¹ , penç , pesant
5. adi. (fig.) che al viôt e al cîr di capî fin tai detais:  une analisi plui profonde, che e meti in evidence il parcè di cheste "rinassite" [dopo dal taramot], peantle a une tradizion di secui (Angelo Floramo, Ri-cognossi la autonomie)
   Sin. cussienziôs , detaiât , fondât , font¹ , inzegnôs , meticolôs , minût , fin¹ , puntuâl , scrupulôs , seri , sutîl
6. adi. (fig.) platât ma plui impuartant intune situazion, intun concet, intun fenomen e v.i.:  capî i significâts alegorics plui profonts che i stan sot [dai simbui dai mosaics di Aquilee] (Giovanni Battauz, Flavio Cossar, Renato Iacumin, I mosaics de basiliche di Aquilee); il concet di persone al è come une spirâl indulà che intal centri o cjatìn lis componentis plui profondis dal se, ven a stâi il se primari (Franc Fari, La evoluzion dal çurviel e de cussience tai vertebrâts)
   Sin. platât , reâl¹ , scuindût , segret , vêr , scosagn
7. adi. (fig.) di sintiment, afiet, sensazion, relazion e v.i., une vore fuart:  in cûr un sens di vite plene, di ligrie profonde (Pieri Somede dai Marcs, O sielç lis stelis); al pâr propit che, cuant che la vite si fâs plui dure e dificil, al sedi il moment che l'amôr al deventi plui grant e profont (Roberto Ongaro, Il muc)
   Sin. font¹ , fuart¹ , vîf , vivarôs
8. s.m. (ancje fig.) part plui fonde, plui dentri di alc:  un rumôr bas come di alc che al vegni dal profont (Checo Tam, Vencul); i pareve di cognossile di simpri, tal profont (Gianluca Franco, Cuant che l'Istât al finìs - Ogni etât la sô maravee)
   Sin. dentri , interiôr , profonditât , fonts , didentri