Dizionari de Lenghe Furlane

fin¹  fin  [FO]

1. adi. che nol è grues:  la cjamese blancje come un dint di cjan e tant fine che e pareve piel di ûf (Catarine Percude, Il solt del Signôr); e ven Primevere: fine e frescjine e salte fûr la jerbe pal prât (Catarine Percude, La rosade di sant Zuan)
   Sin. sutîl
   
   1. di persone o part dal cuarp, magri:  al restà fer ancjemò, cjareçantsi chê sô biele barbe nere cu la diestre fine e delicade che tremave un freghenin (Zuan Lurinçon, La Madalene)
   2. spec. di materiâl incoerent, di grane piçule:  al slargjave la glerie plui fine jenfri lis fressuris dal pedrât (Carlo Sgorlon, Prime di sere); e ven jù une nêf fine fine e za par tiere al è dut blanc (Pieri Somede dai Marcs, Gnot di Nadâl)
   3. in funz. av.:  la lidrîs mestre [dal cren] si dopre crude gratade fine (Giorgio Pascoli, Il Litum: jerbis salvadiis te cusine); al sbivicjave fin fin
2. adi. che al à precision cure o che al mostre o che al è fat cun precision:  mi somee che rispiet ai +Sklets precedents cheste serie e vedi domandât une tecniche plui fine e un sfuarç plui grant ancje sul plan finanziari (Fabian Ros, Interviste cun Giorgio Cantoni)
   Sin. detaiât , diligjent , minût , profont , sutîl
   
   1. di alte cualitât:  blancjarie de plui fine, cifrade, di conts e marchês (Carlo Sgorlon, Ombris tal infinît); al à di jessi un licôr chel vin, un licôr dai plui fins (Pieri Menis, Doi pizighets e un lari)
3. adi. che al à o che al mostre capacitât di capî fin insot, inteligjence, ancje furbetât:  une rispueste fine, une cjatade origjinâl… di cjâf (Dino Virgili, La aghe da pît la cleve); une teolighe tant fine, tant complicade e cussì polivalente che nissun à di rivâ a capî un dret (Riedo Pup, Il siarai dal Quirinâl)
   Sin. acuart , babio , bolpin , dret , perspicaç , picant , pront , scaltri , sgarzât , sveât
4. adi. che al à o che al mostre creance, elegance e v.i.:  la frute e jere bionde e fine e di buine famee (Alan Brusini, Par stradis lungjis); e jere nassude a Viene, siore Taresie: e jere une todescje educade, fine (Pieri Menis, Il «pigjama»)
   Sin. creançôs , dignitôs , finet , preseât , siôr , civîl , civilin
   
   1. di bielece delicade, elegante:  une musute fine
5. adi. (fig.) di orghin sensoriâl, che al funzione une vore ben, che al fâs distinzions precisis:  "Dresden." Jo o vevi capît Triest. No ai une orele fine (Checo Tam, La maree nere)
6. adi. dal aiar, che si respire cun plasê par vie de netisie, de pocje umiditât, de frescjece:  al varès vût bisugne, par un pâr di agns, di vivi intun paîs di montagne là che la arie e je plui fine e pure e e favorìs il rinfuarçâsi dai polmons ofindûts (Roberto Ongaro, Cretevierte)
   Sin. lizêr , net , sutîl

Polirematichis e espressions idiomatichis

• lâ a bon fin loc.v.
• rivâ a bon fin loc.v.
• tirâ a fin loc.v.

Proverbis:

• amôr di cusin al è plui fin
• lavôr fin si mangje fin