pront
/-ò-/
pront
[FO]
-
adi.
che al è za te cundizion di podê fâ alc, di podê funzionâ, di podê jessi doprât e v.i.:
«O soi vignût, ancje, a domandâus se si po vê daurman une cjame di cinc mil modons. O ai vût une domande propit vuê… Sono pronts?» (Maria Forte, La tiere di Lansing);
a ora di cena, al era dut pront: la tavala granda in cjasa, cu la polentona sul taeir, il companadi e la bevanda par omis, femini e canais (Novella Cantarutti, La agna Mariana)
Sin. al ordin
, a plomp
, in ordin
, in pront
, in sest
, parecjât
, prontât
-
adi.
che al à une disposizion mentâl favorevule:
int che e sarès pronte a paiâ cence discuti […] ma che e domande une robe, une sole: di capî e di savê trop che e à di paiâ (Riedo Pup, Par paiâ al vûl mistîr);
al jere pront a judâ ducj e cu lis sôs matetâts al faseve fâ simpri cualchi ridade di gust (Pieri Somede dai Marcs, La ultime baronade)
Sin. disponibil
, puartât
-
adi.
che al interven intal moment just, che al è svelt a intervignî:
ancje se di lontan a començave a srodolâsi un vosâ imberdeât, nissun al ere cussì pront di provâ a fermâmi (Stiefin Morat, Kebar krossè);
"Po ben!" e rispuindè pronte jê "Cemût che e sedi, la vuestre strade no je la mê" (Gianni Gregoricchio, Trê feminis)
Polirematichis e espressions idiomatichis
Proverbis:
- cuant che lis vacjis a van e a tornin di mont, un montanon al è pront
- cui che al sta ben di une bande al cjate il mâl pront daûr de puarte
- in cent mil par un fasan a àn la cane pronte in man
- lis disgraciis a stan simpri prontis tant che lis taulis in ostarie