civîl
ci|vîl
[FO]
-
adi.
dal citadin o dai citadins, tant che membris di une comunitât che si da regulis e si ten sù sul dirit
Sin. borghês
, civic
-
caraterizât di une convivence regolade dal dirit e di convenzions culturâls:
la societât dai oms civîi e je rezude di regulis sacris che dome oms a mieç, i Centaurs, ven a stâi i barbars, no ricognossin (Adrian Cescje, Viaç aes origjins dal Logos);
a vevin ancjemò paronance espotiche di cualchi sît, plaçât sul ôr dal rivuart de int civîl, o in lûcs ben vuaits, là che chei dal paîs no levin al viers (Josef Cjargnel, I pagans di Muine)
-
che nol è ni militâr ni religjôs:
al è ricoverât tal ospedâl civîl;
il Palaç comunâl [di Glemone], biel esempli di architeture gotiche civîl, fat sù tal 1390-1410 (Luigina Di Giusto, Andrea Guaran, Mauro Pascolini, La culine furlane);
cheste robe no vâl dome pes autoritâts civîls, ma e vâl ancje par chês gleseastichis: se a no àn coragjo, che a vadin a confessâsi (Francesc Placerean, Di ducj i dons dal Spiritussant, cumò al covente il don dal coragjo)
Sin. borghês
-
des classis altis de societât, tant che la nobiltât e la borghesie:
lôr [I nevôts di none Lise] a jerin vignûts sù fuarts tun borc contadin, e chel al veve segnât usancis libaris. Ancje se a jerin di sanc civîl (Maria Forte, Cjase di Dalban)
-
adi.
che si fonde sul rispiet des regulis te comunitât dai citadins o su la solidarietât umane in gjenerâl:
un popul nudrît di serietât, di cussience civîl e sociâl, di rispiet aes leçs, di amôr pe justizie, di vêr spirt patriotic (Josef Marchet, Amôr di patrie!)
-
adi.
che al à un ciert nivel culturâl, che si compuarte in maniere fine, cun creance:
int un fregul istruide e civîl (Josef Marchet, Lis predicjis dal muini);
i va dongje siore Taresie, la cafetiere, premurose, civîl (Pieri Menis, Il «pigjama»)
Sin. creançât
, creançôs
, di sest
, manierôs
, urban
-
che al mostre rispiet:
une rispueste civîl
Sin. di sest
, creançât
, creançôs
, manierôs
, urban
-
adi.
che al è rivât a un grât alt di evoluzion sociâl:
ogni mês di Avost, miârs e miârs di personis si dan cunvigne par ricuardâ l'imperadôr dal paîs plui civîl dal mont; di chel imperi là che si podeve fevelâ par furlan, predicjâ par furlan, preâ par furlan. Un paîs che nol veve pôre des lenghis dal popui e no 'nt scjafoiave nissune (Riedo Pup, I furlans e la Austrie);
la Europe e varà, sì, une vore di pecjis, ma e je, in globâl, une robe civîl (Riedo Pup, Doi mil francs di puntualitât)
Sin. civilizât
, dispatussât
, svilupât
-
relatîf al grât di civiltât di un popul:
la finalitât de Universitât e je chê di contribuî al progrès civîl, sociâl e ae rinassite economiche dal Friûl (Odorico Serena, Il furlan tes scuelis e te universitât)
-
adi.
[TS]
dir.
dal dirit civîl:
o vevi presentadis sedi denunziis penâls sedi denunziis civîls (Christian Romanin, Amato De Monte: Il Friûl, patrie des bataiis di civiltât)
-
adi., s.m.
che, cui che nol è militâr:
[tal 1941] Lubiane e ven sierade jenfri il fîl spinât: la popolazion civîl, ven a stâi vecjos, feminis e fruts, depuartâts tai cjamps di concentrament fassiscj (Angelo Floramo, Cuintristorie dal Nûfcent 1940-1950);
no jerin dome i muarts, i mutilâts, i invalits tant tra i militârs che tra i civîi […], ma ancje l'85% dal patrimoni industriâl pierdût, il 90% dal besteam copât o robât, plui di 100.000 edificis sdrumâts (Carli Pup, La seconde Irlande);
ai doi di Mai i Karstjäger des Waffen SS, ritirantsi, a fasin stragje di civîi a Vasinis (Angelo Floramo, Cuintristorie dal Nûfcent 1940-1950)
Sin. borghês