borghês
bor|ghês
[AF]
-
adi.
de classe sociâl che in origjin e jere intermedie, ni dal popul bas, ni de aristocrazie, che e fondave lis sôs jentradis sul artesanât, sul cumierç, su la imprese, su la burocrazie e v.i.:
lis direzions de economie europeane che a àn cjapade la strade dal capitalisim borghês jessint des formis feudâls (Adrian Cescje, Liniis di storie sociâl e economiche dal Friûl 1500 - 1800)
-
adi., s.m.
che, cui che al fâs part di chê classe sociâl:
nassût intal 1889 a Udin, di famee borghese cun cualchi fonde nobiliâr de bande di mari, Felix Marchi al jere il prin di siet fradis (Max Mauro, Felix Marchi e il sium dal furlan-furlan)
-
adi., s.m.
(ster., ancje spres.)
che, cui che al à lis carateristichis tipichis di chê classe sociâl, tant che un ciert formalisim, une cierte educazion, un ciert tradizionalisim o ancje che al à une maniere di pensâ e di fâ meschine, oportuniste, conformiste:
i vevi dite di brut […] che jo, des sôs mignagnulis di omenut borghês dut par ben, no savevi ce fâ (Gianni Gregoricchio, Trê feminis);
il lôr cûr [dai zovins], stuf di cheste barache, al domande ancje cence savê un rispiet, i valôrs, vite umane, serenitât interiôr. Ju vin traplantâts tune societât artificiâl e superficiâl, borghese e massepassude (Tonin Cjapielâr, Il zovin e l'emigrant)
-
adi., s.m.
che, cui che nol è militâr o eclesiastic:
cumò si comencin a viodi ancje altris soldâts […]. Si viodin ancje borghês che a vegnin culì di ogni bande (Alan Brusini, Un dai pôcs);
i prins sbandâts a vevin tacât a tucâ pes puartis, in cercje di cualchi vistît di borghês (Gianni Gregoricchio, La clape)