preseât
pre|se|ât
[AF]
-
p.pass., adi.
viôt preseâ
, viôt preseâsi
-
adi.
che al gjolt di une buine considerazion:
al veve fat siet agns di militâr fra permanent e vueris. E al jere stât un sotuficiâl preseât (Riedo Pup, Rispueste: cjalâ e tasê);
une poesie di un poete che jê e veve simpri amât, il preseât poete cilen Pablo Neruda, za premi Nobel pe leterature tal 1971 (Egle Taverna, Un troi di lûs)
-
adi.
che al à tant valôr, che al à un presit alt:
a jerin i bêçs: napoleons di aur, zoiis, pierutis preseadis - un tesaur! (Dino Virgili, La aghe da pît la cleve);
o soi rivade adore a rincurâ mobii interessants e preseâts, creps cjargnei dal Sietcent cun decorazions a man, e tancj altris tocs di valôr (Meni Ucel, Culturis)
Sin. preziôs
-
adi.
soredut tes letaris o ancje in salûts formâi, tant che titul di rispiet pal destinatari:
Preseât sâr diretôr, / che mi permeti cualchi piçule note, sul intervent di Carrozzo (Ce celebrâ dal 1511?) sul ultin numar de Patrie (Sandri Di Suald, Letare pro Giulietta e Romeo)