grivi
gri|vi
[AF]
-
adi.
che al pese tant:
lu poiave par tiere come un russac masse grivi (Carlo Sgorlon, Il dolfin)
Sin. pesant
, grêf
Var. grevi
-
di cuarp di persone o di bestie, bondant di cjar e di gras:
si jere inacuarte che Vigje e jere plui grivie… plui tarondine, eco (Maria Forte, Varc di confin)
Sin. penç
, grues
, gras
, pesant
, tont
, taront
-
adi.
dûr o pesant di sopuartâ, di passâ, di frontâ e v.i.:
lis dificoltâts a son inmò dutis li. E forsit plui griviis di prime (Riedo Pup, Il scandul dal Corpus Domini);
al è tai moments grivis che un al capìs di no jessi di bessôl ta chest mont (Sandri Di Suald, Ah! la provincie);
doman o sarai ancjemò cun te par un pôc, e po no ti viodarai par cuindis dîs. E sarà grivie tant che mai (Agnul di Spere, Chê dì che al neveà a Vignesie)
Sin. dificil
, intrigât
, problematic
, sfadiôs
, spinôs
, dûr
, fadiôs
, faturôs
, grêf
, intrigôs
, pesant
, travaiôs
-
s.m.
ce che al è dûr o pesant di sopuartâ, di passâ, di frontâ e v.i.:
si sfuarçave di tignîsi sù cuintri il grivi dai malpinsîrs (Maria Forte, Cjase di Dalban)
-
adi.
che al à o che al mostre dificoltât fisiche o psicologjiche a frontâ alc, che i mancjin lis fuarcis, la voie, il snait e v.i.:
Nita lu cjapà pe man e lu tirave incorint di ligne come tun zuiâ di fruts. Guri si lassave tirâ: i lave daûr grivi (Dino Virgili, La aghe da pît la cleve)
Sin. pesant
, strac
, sflac
, sflacjôs
, grêf
-
adi.
(fig.)
che al da o che al mostre une sensazion di pesantece:
une puce grivie di vin, di bacalà, di canele e di cragne (Gianni Gregoricchio, Îr e doman);
dentri ancje e pative e la cjase si sierave tune lûs suturne e grivie (Maria Forte, La fie çuete)
Sin. pesant
, penç
, grêf
-
adi.
(fig.)
di stîl o di mût espressîf che nol è svelt o lizêr:
la cualitât de piture grivie e ruspie, di un colôr dulà che al domine il grîs vert, il segn dûr, butât jù a fadie (Bepi Agostinis, Storie de art in Friûl)
Sin. cjamât
, penç
, pesant
, grêf
, cjariât
Polirematichis e espressions idiomatichis