fadiôs
fa|di|ôs
[CO]
-
adi.
che al fâs stracâ, che al fâs fâ sfuarçs prime che a rivin risultâts:
un lavôr fadiôs (Alan Brusini, Un dai pôcs);
«Trop aio di dâti?» «Cuarante mil». «Folc! Si tignìn sù, eh?» «Us ai dit che e je stade une vore fadiose. Al è un presit just» «Bon, torne doman e ti pai» (Carlo Sgorlon, Prime di sere)
Sin. sfadiôs
-
che al è dûr di sopuartâ, che al è caraterizât di une cundizion di strache, di fadie:
moments biei misturâts a moments puars e fadiôs (Maria Forte, "Nossent")
-
che al stente a lâ indenant, che al fâs une azion o che al sucêt cun fadie:
intal procedi, ancje lunc e fadiôs, de bataie autonomiste furlane, il risultât al sarès deludent (Dree Valcic, E je ore di cjapâsi la responsabilitât)