grêf
grêf
[CO]
-
adi.
(ancje fig.)
che al pese, che al fâs une pression cul so pês:
Lilie e veve ficjât l'ultin bleon tal zei e cumò si jevave impins. La cjame e jere greve (Gianni Gregoricchio, Lilie)
Sin. pesant
, grivi
Var. grîf
-
adi.
dûr o pesant di sopuartâ, di passâ, di frontâ e v.i., sedi di un pont di viste fisic che psicologjic:
al nestri lavôr al è grêf e intrigôs na vora (Ugo Pellis, Il salût dal President de Filologjiche al Congrès di Gurize);
la rive greve i taiave lis gjambis e il cûr i bateve come se al sclopàs (Jolanda Mazzon, Di là de rêt);
meti adun des cundizions mancul grevis par sorevivi (Gianni Gregoricchio, Îr e doman)
Sin. dificil
, intrigât
, problematic
, sfadiôs
, spinôs
, dûr
, fadiôs
, faturôs
, grivi
, intrigôs
, pesant
, travaiôs
-
adi.
che al à impuartance in sens negatîf:
a vairin a dilunc come scoreadis sore chest fal grêf che a vevin cumbinât (Renzo Balzan, Il cret di aur)
Sin. grivi
, pesant
, grâf
-
adi.
che al à o che al mostre dificoltât fisiche o psicologjiche a frontâ alc, che i mancjin lis fuarcis, la voie, il snait e v.i.:
al veva il côr grêf cun ducju chei vui sora di lui (Mario Giovanni Battista Altan, Il procès di Coleto Marasut)
Sin. pesant
, strac
, sflac
, sflacjôs
, grivi
-
adi.
(fig.)
che al da o che al mostre une sensazion di pesantece, di plenece:
al ricuardave l'aiar grêf de Basse, cu lis roiis calmis sot un cîl larc infinît (Domeni Zannier, La crete che no vai)
Sin. pesant
, penç
, grivi
-
di sun, no acût:
il mughiâ greif da li vacji (Novella Cantarutti, La femina di Marasint)
Sin. grâf
Cfr. bas
, tont
, taront
-
adi.
(fig.)
di stîl o di mût espressîf che nol è svelt o lizêr
Sin. cjamât
, penç
, pesant
, grivi
, cjariât
