grâf
grâf
[AF]
-
adi.
che al à o che al pues vê consecuencis negativis impuartantis:
la comari, viodint che nol jere afâr par jê, e mandà a clamâ il miedi e il miedi al conseà di fâ vignî un altri miedi par une consulte: il câs al jere grâf: o salvâ la mari o salvâ il frut (Pieri Somede dai Marcs, A jerin lagrimis);
Dal 1751 al è sucedût un fat grâf: il patriarcjât di Aquilee al è stât scancelât (Francesc Placerean, Pe unitât di glesie in Friûl)
Sin. seri
, pesant
, grivi
, brut
, grêf
-
adi., s.m.
che, cui che al à une malatie cun consecuencis negativis che a puedin jessi pericolosis:
po e tacave la radio, controlade dal predi dal repart che al lassave sintî dome cjançonetis (il notiziari ai malâts grâfs no jal permetevin) (Amedeo Giacomini, Tal ospedâl)
-
adi.
[BF]
di sun, no acût
Sin. grêf
Cfr. bas
, taront
, tont