seri
/sè-/
se|ri
[FO]
-
adi.
di espression o persone, che no mostre ligrie:
al cjalave sù cul clâr dai siei voi ancjemò smaraveâts, mostrant la sô muse serie (Maria Forte, Cjase di Dalban);
jê e restà avilide e ancje il principin dut malapaiât. La principine e jere serie serie e lui ancjemò plui (Andreina Nicoloso Ciceri, Chê de principine - Racconti popolari friulani I)
Sin. suturni
, seriôs
-
adi., s.m.
che, cui che al à e che al pretint impegn, sens di responsabilitât, rispiet di chei altris e des normis, ancje morâls:
al è il moment di lavorâ sul dûr, di mostrâ se il Friûl al à int serie, madure, sperimentade (Josef Marchet, E cumò?);
lis amiis di Rosane i àn dite che chel nol jere un zovin par jê, frute serie, cence grîs pal cjâf (Cristina Noacco, Faliscjis)
Sin. cussienziôs
, profont
, scrupulôs
-
adi.
di situazion, circostance e v.i., che e va frontade cun impegn, che e pues vê consecuencis impuartantis:
no si po tocjâ une cuistion serie e impuartante, cence che si metin in moviment lis marionetis de comedie iredentistiche a scjafoiâ ogni discussion (Josef Marchet, Rapresentants dal popul)
Sin. fuart1
, grâf
, grivi
, impuartant
, rimarchevul
, significant
-
che al pues vê consecuencis negativis:
par lis malatiis seriis al jere l'ospedâl, che nol costave nuie, graciant Idiu, ma a pene un tic miôr, lu varessin spedît a cjase. Ce varessial fat alore, di bessôl e cence un carantan? (Carlo Sgorlon, Prime di sere)
-
adi.
fat ben, cun cure, in maniere di meretâ considerazion:
scomençâ un lavôr seri e sientific di difusion dal furlan intes scuelis (Adrian Cescje, Memoriis di politiche linguistiche)
Polirematichis e espressions idiomatichis