impuartant
/-ànt/
im|puar|tant
[FO]
-
adi.
che al merete considerazion, che al à pês, consecuencis, che al interesse e v.i.:
la Comission e scomençà subit a cjoli decisions impuartantis (Giovanni Pillinini, Zuan Batiste Cavedalis - Une vite esemplâr);
il gno paîs [Biliris] al è un paîs tra i mancul impuartants, tra i mancul che si dan aiars, tra i plui minûts dal Friûl; ma al è biel, tant biel che parfin Puelit Nievo nol à podût stratignîsi dal dî ben di lui (Meni Ucel, La "Fieste dai Roncs");
i poemis plui impuartants di Omêr a son la Iliade […] e la Odissee (Sandri Carrozzo, Pierluigi Visintin, Jentrade de Odissee)
Sin. grant
, grues
, notevul
, bon
, rimarchevul
, significant
Var. important
-
di cdn., che al è adalt intune jerarchie, te scjale sociâl, te vite publiche, culturâl e v.i:
si meteve a lei setemanâi che a fevelavin di int impuartante, cognossude di ducj e plene di bêçs (Carlo Sgorlon, Ombris tal infinît);
femenute fine e ben vistide che e sa cemût ricevi i amîs impuartants, chei che dopo ti tornaran cont (Antescûr, Alc si è rot)
-
adi.
di alc, che al sucêt cun intensitât:
[il diabete di gjenar 1] al pues scomençâ dut tun colp cun malstâ impuartant, gnagnare e odôr di aceton intal flât (Guglielmo Pitzalis, Scuvierzi il diabete)
Sin. grant
, bon
, fuart1
, pesant
, penç
, grues
-
adi.
in cuantitât bondante, di numar alt:
[i] documents presints tal repertori […] a son pal moment 31 (un numar za avonde impuartant) (Federico Vicario, Documents de Ete di Mieç pal studi dal furlan antîc)
Sin. bon
, grant
, rimarchevul
, significant
, bondant
, notabil1
, sostanziôs
, grues
-
adi.
(ancje scherç.)
grant di dimension:
un biel nâs impuartant;
i bêçs spindûts te television e te promozion, doi aspiets fondamentâi pal status de lenghe, cundut che a cjapin une fete impuartante dal sfuarç economic complessîf, a son come gotis tal mâr (Linda Picco, Sandri Carrozzo, Efiets economics e ocupazionâi des leçs di tutele de lenghe furlane)
Sin. grant
, grues
, bocon
-
s.m.
fat, aspiet principâl o che al conte plui dal rest:
l'impuartant al è che no sedin malcontents e malintês (Costantino Smaniotto, Co l'amôr al cimie);
a chei no ur interessin lis consecuencis, l'impuartant al è lâ daûr de insoference popolâr (Patrizia Tiberi Vipraio, Euro o no euro: isal chest il probleme?)