sostanziôs sos|tan|zi|ôs [CO]
- adi. plen di sostance, soredut tal sens di nudriment: un plat sostanziôs e san (Giorgio Pascoli, Il Litum: jerbis salvadiis te cusine); prime di lâ tai cjamps a fasevin une gulizion sostanziose (Margherita Timeus, Masse cjalt par gustâ? e jo mi sbrochi a gulizion...)
- adi. plen di elements concrets: la uniche riforme resonade e sostanziose che Rome e veve imprometude e je lade strucje (Josef Marchet, ...e la leç e je salve)
- adi. che al costituìs une buine sostance, une buine cuantitât di bêçs o di bens: tes spesis al ingruès, par altri, tu brinchis simpri cualchi scont plui sostanziôs (Riedo Pup, I furlans e i prâts)