Dizionari de Lenghe Furlane

grues  /-è-/  grues  [FO]

1. adi. di une cierte grandece, massime tal sens de largjece o de profonditât:  lassâ che [la spale di purcit] si disfredi e taiâle a fetis gruessis un dêt o pôc mancul (Erika Adami, Une volte cu la fuiace dolce e in dì di vuê cul cren); al jere râr il câs che al cjatàs cualchi toc [di len] un pôc grues, stant che il bosc al jere stât za regolât dai puars dal paîs (Carlo Sgorlon, Prime di sere)
   Sin. grant , bocon , penç , voluminôs
   Var. gros , gres
   
   1. di grandis dimensions,, massime tal sens de largjece o de profonditât:  a van viers une veture gruesse e scure, ferme plui indenant (Alan Brusini, Gian Paolo Linda, I forescj)
   2. che al à il diametri di une cierte misure o di une grande misure:  i corais a slusivin ros e grues come grignei di ruscli (Maria Forte, Cjase di Dalban); il fîl al è grues e nol jentre te gusiele; fier di gucje gruesse, numar 12 (Fabian Ros, La rambe)
   3. ancje in funz. av.:  masanâ gruesse la farine
2. adi. di cdn., di cuarp o di part dal cuarp, che al è larc di struture, che al à tante masse muscolâr:  un biel zovin, fuart e grues, come un leon (Dolfo Zorzut, No je plui vive)
   Sin. ben pecolât , ben tressât , bocon , complen , fuartat , gaiart , penç , robust , salt² , stagn¹ , tirul , tressât , grant , grant e grues
   
   1. che al à formis tarondis, che al à avonde masse grasse:  jê e sô mari, une femine piçule e gruesse (Pieri Menis, A scuele)
      Sin. gras , complen , grivi , stolf , toful , taront , tont , bondant
3. adi. (pop.) tal fem., di femine o di mascje di bestie, che e spiete un frut o un piçul:  e ven a lâ che la fantate e reste gruesse e alore, no podint pandi nuie ae strie, a decidin di scjampâ insiemi (Andreina Nicoloso Ciceri, Blancje come la nêf - Racconti popolari friulani I)
   Sin. dople , incinte , plene
4. adi. di flum, che al puarte tante aghe, spec. in maniere temporanie par une montane:  [il Riu di Forcje] al ven grues cu lis ploiis dal Istât (Marisa Moretti, Neveade)
5. adi. di numar o cuantitât alte:  ur domandave une sume cussì gruesse che no rivavin mai adore di paiâle (Josef Marchet, Cuintristorie dal Friûl fin sot la Italie)
   Sin. considerabil , considerevul , grant , impuartant , notabil¹ , penç , prominent , bondant
6. adi. che al domande impegn:  diviersis ditis furlanis a àn otignût plui voltis l'apalt par lavôrs publics grues (Matteo Ermacora, La emigrazion furlane in Austrie e in Gjermanie); une imprese masse gruesse pal nestri trop di amîs (Dree Venier, «No esistin piçulis leteraturis»)
   Sin. dûr , faturôs , grant , grivi , impegnatîf , pesant , sfadiôs
7. adi. che al à impuartance, pês, influence e v.i.:  i partîts plui grues no vuelin tacâ la campagne eletorâl cuntun «handicap» pericolôs par lôr (Josef Marchet, Fieste finide); a jerin agns di grues cambiaments (Max Mauro, Un Friûl difarent: i 90 mhz di Onde Furlane); un grues segretari di partît (Riedo Pup, Il guviar si picje di bessôl); un grues imprenditôr milanês (Sandri Di Suald, Ah! la provincie)
   Sin. grant , impuartant
8. adi. che al fâs impression, scjas, che al è dificil di crodi:  voltiti mont! … Cheste po e je gruesse! (Pieri Menis, A uciei cu lis archetis)
9. s.m. dome tal sing., part plui grande o plui impuartante:  [la comission] e finirà il grues de sô vore ca di cualchi mês, in Istât (Adrian Cescje, Memoriis di politiche linguistiche)
   Sin. dûr , impuartant , penç , plui , plui part , vues
   
   1. part plui numerose:  La definitive privatizazion des tieris comunâls e fo decretade e atuade tra 1646 e 1790, e il grues al fo vendût tra il 1646 e il 1727 (Adrian Cescje, Liniis di storie sociâl e economiche dal Friûl 1500 - 1800)
10. s.m. [TS] numism., stor. monede medievâl di arint che e coreve in Europe e tal Mediterani orientâl:  comperai in lu dì midiesim di mestri Culà di Borc di Puint liris di cjavilis XXI e liris di liiduris XVII per grues I la liro (Odorlì di Cividât, Cuader di Odorlì di Cividât)

Polirematichis e espressions idiomatichis

• ad in grues loc.av., loc.adi.inv.
• besteam grues loc.s.m.
• dîle gruesse loc.v.
• fâ la vôs gruesse loc.v.
• fâle gruesse loc.v.
• riscjâ grues loc.v.
• riscjâle gruesse loc.v.
• sbarâle gruesse loc.v.
• sbarâlis gruessis loc.v.

Proverbis:

• cui che al à il cuel grues che nol mincjoni cui che al à la gose
• il jeur al vîf a jerbe, la bolp a gjalinis, e a son grues compagns
• la cjase e je une gruesse cjame
• la suele gruesse e manten il mont