Dizionari de Lenghe Furlane

salt²  salt  [FO]

1. adi. (ancje fig.) che al à insiemi fuarce, stabilitât, ecuilibri, fermece:  un vieli sui setantecinc agns ma dret e salt e plen di morbin ancjemò (Meni Ucel, Misure); il cavalet, pôc salt par tignî sù il pês di un om, al zedè e al si ribaltà (Zuan Lurinçon, La Madalene); nissune difese si jere mostrade salde. Ma al voleve resisti (Maria Forte, La tiere di Lansing); vignît al struc, po judicarai, e ce che al sedi, us zuri che la amicizie a no si romparà, forsit a si rindarà plui salde (Costantino Smaniotto, Co l'amôr al cimie)
   
   1. che nol treme, che nol si môf fûr di ce che al è volût:  e spandeve cualchi sclip su la breute de gjoçule. Parcè che no rivave adore di tignî salde la man, par nuie (Dino Virgili, La aghe da pît la cleve)
   2. che al à costance, impegn:  dome pôcs scuelâts di caratar a continuarin salts a lavorâ, a pensâ e a scrivi par furlan (Gian Carlo Menis, Storie dal popul furlan); che tu vadis, mari lenghe, / serie e sclete, intor intor: / tu confuarte dut chest popul / salt, onest, lavoradôr! (Bindo Chiurlo, Il cjant de Filologjiche Furlane)
   3. av. cun fermece, costance, impegn e v.i.:  mi à simpri plasût di lavorâ salt e tignî cont dal franc, ancje a mi (Josef Marchet, Lis predicjis dal muini)
2. adi. spec. di robe di mangjâ, dure, fisse:  ten sù il bulît ancjemò un pôc che al è masse salt; il rîs al è bon un pôc salt
3. adi. che al à densitât, plenece:  e jere une biele femine, alte di gjambe, salde di cjar, une sclave dal Cragn (Dino Virgili, La aghe da pît la cleve)
   Sin. fis
4. adi. (fig.) sigûr intune convinzion:  l'è ben vêr che jo mi slontani / dal paîs ma no dal cûr. / Sta pûr salde tu ninine / che jo o torni se no mûr (Popolâr, L'è ben vêr)
5. adi., av. par indicâ continuitât:  Toni par no avilîsi al tignive bevût; e la 'Sese a viodilu salt in chel stât si invelenave fin a plantâlu (Tarcisio Venuti, La cjase di Toni)
   Sin. simpri , fis
   Var. saldo
6. s.m. (ancje fig.) ce che al è dûr, consistent, sigûr e v.i.:  a volê cjaminâ sul salt, si à pôc ce contâ su la preistorie dal Friûl (Josef Marchet, Cuintristorie dal Friûl fin sot la Italie)

Polirematichis e espressions idiomatichis

• a man salde loc.av., loc.adi.inv.

Proverbis:

• cui che al va planc al va salt
• il fen se al è bagnât lassilu salt tal prât