Dizionari de Lenghe Furlane

fis  fis  [FO]

1. adi. che al è fat par restâ intun puest, intune posizion e v.i.:  di tant timp la popolazion cjargnele e spiete che la ASS 3 si indoti finalmentri di une struture [di risonance magnetiche] fisse (Marta Vezzi, Novitâts sanitariis a Damâr. Si scree un centri radiologjic privât)
   Sin. fer , fissât , imobil , stabil
   
   1. che no si môf:  [il falcuç] al tignive il cjâf dret e a voltis al zirave il cuel, a planc, cui voi fis (Carlo Sgorlon, Il dolfin)
      Sin. fer , fissât , imobil , stabil
2. adi. che si ferme a vivi o a lavorâ stabil intun lûc:  [tancj emigrants roseans] a son lâts a stâ fis, dal imprin in cualchi paîs de Europe centrâl e plui tart, dopo dai mudaments gjeopolitics dal secul XX, ancje in Italie (Istitût pe culture slovene, La economie, il cumierç e la emigrazion stagjonâl)
3. adi. di cjalade, atenzion e v.i., indreçade cun insistence:  al stave li, sierât in cjamare cui voi fis sul mûr e cul cjâf che i businave di pinsîrs, di rimuars e di ricuarts (Roberto Ongaro, Il muc); e bêf sentade sul jet, cence cjalâmi, i voi fis te cjicare dal cafè (Alan Brusini, Gian Paolo Linda, I forescj)
   Sin. concentrât , dûr , fissât , salt² , fer
   
   1. di persone o di intindiment, pinsîr e v.i., concentrât:  Tilde e mantignive fis il pinsîr sul so om (Gianni Gregoricchio, Trê feminis)
4. adi. che al reste compagn o costant intal timp:  si jere infondât tune ipocondrie maladice, une flaperie fisse, di stentâ a parâ vie (Maria Forte, Mabile la Lunghine)
   Sin. costant , invariabil , solit¹ , usuâl , salt² , fer
   
   1. che si à o che si fâs in maniere definitive:  al voleve cjatâ une vore fisse e sigure (Carlo Sgorlon, Prime di sere)
   2. che si compuarte simpri te stesse maniere, che si cjate simpri tai stes puescj e v.i.:  une salute in bande che a vierzevin tes grandis ocasions e dome che pai clients fis (Amedeo Giacomini, Tal ospedâl)
5. adi. za determinât, che al ven decidût une volte e che al reste chel:  un lavôr cence tante fadie, di parê bon, a oris fissis (Alan Brusini, Amîs come prime); se la anade e va ben, il vantaç al è dal contadin, che si ten il plui, se e va mâl, stant che al à di consegnâ al paron une part fisse, al rimet lui (Adrian Cescje, Liniis di storie sociâl e economiche dal Friûl 1500 - 1800)
   Sin. decidût , fissât , segnât , stabilît
6. s.m. compens stabil:  al cjape il fis e une percentuâl variabile su lis venditis
7. adi. (ancje fig.) fat di tancj elements dongjelaltris, tal spazi o ancje tal timp:  lis cjasis dal paîs a jerin cuasi dutis taponadis di nêf che e colave come plume fisse fisse (Pieri Somede dai Marcs, Nadâl); la int e jere fisse a plene strade, tant che i automobii dai «siôrs» a àn scugnût restâ indaûr une mie (Pieri Menis, La int); tor ator dal curtîl e coreve une filiade fisse (Carlo Sgorlon, Prime di sere); il voli si pierdeve vie par cjamps lavorâts, par prâts e boschetis fissis e verdis (Pieri Menis, Marum)
   Sin. strent
   
   1. tal pl., un une vore dongje di chel altri:  bombis fissis tant che confets a gnocis; e nô propit li sot; ben, se no sin muarts in ducj, al è stât propit un câs (Alan Brusini, I ribei); e jere vignude viele cu lis grispis fissis su la muse (Dino Virgili, La aghe da pît la cleve)
8. adi. che al à consistence, densitât:  e vignive sù legre, fisse di cjar, fuarte (Gianni Gregoricchio, Trê feminis); cjamps e cjamps di claris che si pierdevin te brume fisse (Franca Mainardis, La liende dal riûl)
   Sin. penç , salt² , plen
9. av. cun insistence, cun continuitât, cence polse:  nancje no si jere sentade, che bielzà e tacave a fevelonâ fis (Gianni Gregoricchio, Trê feminis)
   Sin. a fuart , bondant , cence fin , cetant , une vore
10. s.m. dome sing., ce che al è fis, la part plui fisse o penze di alc:  tornâ a cjalâ il cîl traviers il fis de ploie (Maria Forte, La rive di Sant Pieri); o gjoldevi a sintî la sô man lizere che si faseve strade framieç dal ingredei de mê cjavelade, tant che la ponte di une barcje intal fis des jerbis di un flum (Gianni Gregoricchio, Trê feminis)

Polirematichis e espressions idiomatichis

• cjalâ fis loc.v.
• vêle fisse loc.v.

Proverbis:

• sorc râr al jemple il granâr, sorc fis al impuarìs