stabilît
sta|bi|lît
[AF]
-
adi., p.pass.
viôt stabilî
, viôt stabilîsi
-
adi.
che al sta, che al è a stâ intun ciert puest:
da plui di un an jo e la femine che o ai di cjoli o sin stabilîts a Plasencis (Pieri Somede dai Marcs, La ultime firme de mê podestarie)
-
che al sta intune cierte cundizion o situazion, che al à un so ecuilibri stabil:
moments puars e fadiôs, ma za stabilîts, za acetâts (Maria Forte, "Nossent")
-
adi.
che al risulte di une decision, di un acuardi, di une norme, di une codificazion e v.i.:
rispietâ i impegns stabilîts (Buteghe dal Mont, Luche Nazzi, Guide par un consum just e solidâl);
cussì Lissandri, la sere stabilide, si jere inviât de bande dal paîs, viers chê cjase di borc che Stiefin i veve segnât (Franca Mainardis, Il sium di Lissandri)
Sin. convignût
, decidût
, fissât
-
che al risulte di une dinamiche, di un ecuilibri:
la sô acetazion di dut ce che al compuartave - inta chei agns - jessi la femine di un contadin, a mi mi sa che, par grant part, al jere un riflès dal rapuart stabilît cun mê none Catine (Gianni Gregoricchio, Trê feminis)
-
adi.
di mûr o edifici, cuviert di stabilidure:
la cjase, stabilide ancje par difûr, e cjalave su la place (Dino Virgili, La aghe da pît la cleve);
la prime [cjase] plui alte, cui balcons e un biel portoncin vert, stabilide e sblancjade e veve la ande di sei di cualchi siôr (Catarine Percude, La fuiace de Madone)