Dizionari de Lenghe Furlane

a fuart    [AF]

1. loc.av. cun fuarce, energjie, viamence, intensitât e v.i.:  Cuesim al siarà la puarte in muse. A tornarin a bati, a lunc, simpri plui a fuart (Dino Virgili, La aghe da pît la cleve); al veve strenzût i pugns cussì a fuart, che lis ongulis si jerin plantadis te palme (Gianni Gregoricchio, Îr e doman); il mâl i cjapà a fuart e nol zovà plui nuie (Maria Forte, "Nossent")
   Sin. fuart¹
   
   1. cun valôr di superlatîf:  a jerin floridis lis paugnis, i saûts a nasavin a fuart cu lis rosis largjis a cjapielute (Dino Virgili, La aghe da pît la cleve)
      Sin. tant , une vore , un grum , unmont , cetant
2. loc.av. (ancje fig.) a vôs alte, cun sun fuart:  i triestins a stan di gale come che a son: a sberghelin a fuart «Trieste all'Italia» e po a zontin plui planc: «…il più tardi possibile!» (Josef Marchet, Sot di nissun); se ben che tu cjantis! se a fuart che tu cjantis! (Ugo Pellis, Al rusignûl svuarbât); Guri al fasè une ridade a fuart. Po al tasè une altre volte (Dino Virgili, La aghe da pît la cleve)
   Sin. a vôs alte , fuart¹

Components:

• fuart¹ adi., s.m., av.