Dizionari de Lenghe Furlane

plui  plui  [FO]

1. av. in cuantitât, cualitât, misure, intensitât e v.i. maiôr; al forme comparatîf di maiorance e superlatîf relatîf:  ogni cjase cjalade plui dongje e dave frêt al cûr; che e pareve plui vecje e dismembrade (Maria Forte, Cjase di Dalban); o voi a la Basse par viodi indulà che si podarà vendi plui a presit il cjarbon (Pieri Somede dai Marcs, Co une vôs e clame); dificoltâts e miserie plui neris di chês di vuê (Riedo Pup, Murî di fam cui camarins plens); chel bosc al era il pi biel da la valada e il pi antîc (Novella Cantarutti, I cjans di not); dai miei amîs il plui amât / di che che a son, / e che a saran / e che a son stâts (Giorgio Ferigo, Da chest paîs forest)
   Var. pi² , pui , pin²
   
   1. adi.inv. in cuantitât maiôr:  tornant in Friûl, une o dôs voltis ad an, al viodeve che la int e veve plui bêçs, ma no jere plui chê (Agnul di Spere, L'avignî di Antoni Cossâr); a fasevin a gare, par viodi se al veve vendût plui vin Mario o pûr Bepi (Cristina Noacco, Faliscjis)
2. prep., s.m. [TS] mat. al indiche une operazion di adizion:  Uhm, trop fasial doi plui doi? (Checo Tam, Sense)
3. av., prep. par indicâ elements che si zontin:  il viaç al dure trê oris, plui une ore a pît par rivâ al rifugjo Fonda Savio, parsore Misurine (Cristina Noacco, Faliscjis)
4. av., coniun. par meti in corelazion elements sù par jù dal stes valôr:  plui cun Buie, plui cu la Svuizare, fâ vuere al è simpri mâl (Riedo Pup, Sant Pieri e il buiat)
   Sin. o²
5. adi.inv., s.m. tes valutazions di scuele, al segne un vôt bondant:  cjapâ siet plui
6. adi.inv. te misure de temperadure, parsore dal zero:  il termometri al segne plui doi
   Sin. positîf
7. av. in frasis neg., par segnâ che di un ciert moment o a un ciert pont alc nol sucêt o nol è pussibil o sim.:  lis sbarave simpri gruessis: […] jo o ai simpri preseât la sinceritât intune persone e al è par chel che cumò no voi plui ator cun lui (Checo Tam, Don Franziskus e Iskander); al acetave dut, cence protestâ mai, cuntune sorte di rassegnazion dolorose tant a dî che lis robis no podevin plui mudâ (Franca Mainardis, Aiar di cjase); jo no capìs plui nuie. Masse confusion (Arturo Feruglio, Viaç a Vignesie)
8. s.m. dome tal sing., la robe plui impuartante:  alore il plui al è fat! (Raffaele Serafini, Lupo Manarie e il Cont Ecurte); [tes cjasis di vuê] nol mancje nuie. O, salacor, al mancje il plui. E mancje la int (Roman Michelot, La cjase dai contents)
   Sin. grues
   
   1. maiorance, cuantitât plui alte:  codiçs umanistics, il plui des voltis insiorâts di miniaturis (Eddy Bortolussi, Curiosant par Sant Denêl)
9. adi.indef. denant di un sostantîf coletîf o plurâl, un numar avonde alt:  «Calìn la vela», veva visât plui voltis il barba, che capiva il pericul e no veva chê grant furia del zovin (Federigo Comelli, Il me paîs); si pues afermâ, par plui aspiets, che la Leç 482/1999 e à lidrîs e prospetivis europeanis (Marc Stolf, Minorancis linguistichis)
   Sin. bentrop , cetant , numerôs , svariât , tant , une vore , un grum , unmont , un mont , diviers
10. av., coniun. in corelazions che a dan il sens di une progression:  plui al contave e plui la int e sgagnive, e plui la int e sgagnive e plui lui si sintive in dirit di contâ (Antoni Beline, Pre Pitin); plui un popul si sacrifiche pe sô libertât e plui cheste e devente impuartante (Tarcisio Venuti, La cjase di Toni)
    Sin. plui che

Polirematichis e espressions idiomatichis

• a la plui lungje loc.av.
• a la plui putane loc.av.
• a la plui sporcje loc.av.
• a plui podê loc.av.
• ae plui lungje loc.av.
• ae plui putane loc.av.
• ae plui sporcje loc.av.
• al plui loc.av.
• ce di plui loc.inter., loc.av.
• ce plui loc.inter., loc.av.
• ce plui ce mancul loc.av.
• cun di plui loc.av.
• dal plui e dal mancul loc.
• dut al plui loc.av.
• fâ il pas plui lunc de gjambe loc.v.
• fâ plui mâl che ben loc.v.
• in plui loc.av., loc.adi.inv.
• in plui che loc.prep.
• in plui di loc.prep.
• mai plui loc.av., loc.inter.
• mai plui e mai altri loc.av., loc.inter.
• pal plui loc.av.
• plui che loc.coniun.
• plui che avonde loc.av., loc.adi.inv.
• plui che mai loc.v.
• plui che no loc.coniun.
• plui che simpri loc.v.
• plui che tant loc.pron., loc.av.
• plui di loc.prep.
• plui di chel tant loc.pron., loc.av.
• plui di cualchidun loc.pron.
• plui di là che di ca loc.adi.inv.
• plui di là che no di ca loc.adi.inv.
• plui di mai loc.v.
• plui di simpri loc.v.
• plui di tant loc.pron., loc.av.
• plui di un tant loc.pron., loc.av.
• plui muart che vîf loc.adi.
• plui o mancul loc.av., loc.adi.inv.
• plui part loc.s.f.
• plui prest loc.av.
• plui tart loc.v.
• savê une cjarte plui dal libri loc.v.
• savênt un pont plui dal diaul loc.v.
• savênt une plui dal diaul loc.v.
• se plui loc.coniun.
• simpri plui loc.v.
• sul plui biel loc.v., loc.av.

Proverbis:

• a fâ il pas plui lunc de gjambe, si romp il cavalot
• a muerin plui poleçs che no clocjis
• a son piês i stiçs che no lis boris
• a son plui cjasis che no glesiis
• a son plui dîs che no luianiis
• a son plui i stiçs che no lis boris
• a son plui pascj che no dîs
• a son plui rimpins che no staderiis
• al va plui di un mus a marcjât
• cuant che la salate e à fat il grop, no si plantile plui
• cuant che no si po plui, si scuen molâlu
• cuatri voi a viodin plui di doi
• cui che al à buine voie di lavorâ, al è plui siôr di cui che al à sîs cjamps di arâ
• cui che al à il plui biel tasê, plui al fevele
• cui che al pretint di savê plui, al sa mancul
• cui che plui al bêf mancul al bêf
• cui che plui al dîs mancul al fâs
• cui che plui al sa al à plui gust di imparâ
• cui che plui al sa mancul al sa
• cui che plui al sberle plui al à pôre
• cui che plui al spint mancul al spint
• cui che plui ind à plui al volarès vênt
• cui che plui ind à plui int spint
• cui che si distire plui che a son luncs i bleons, si discuvierç i pîts
• cui che si distire plui infûr de plete al reste cui pîts distaponâts
• cui che vuê al dîs: o ai falât, al è plui savi di îr
• cul plui bati la strade, la bolp si cjape tal fier
• cul plui menâ, il pan al devente tenar
• da la plui grant montagne al ûf de ruie, ce che tal mont al è fat, nol è par nuie
• e vâl plui une ploie te sô stagjon che no un tesaur buzaron
• e vâl plui une rose frescje che no un scovul
• fat il plui si fâs ancje il mancul
• femine e bo plui dongje che si po
• i bêçs siei a son i plui biei
• il cjan al è il plui fedêl amì dal om
• il corli plui al devente vieli e miôr al zire
• il mistîr dal matrimoni plui si lu fâs e plui si lu dispare
• il mus che al è colât une volte nol cole plui
• il mus che nol à fat la code di trente agns no le fâs plui
• il pan dai altris, chel plui bon, al à siet crostis e chel plui dûr ind à nûf
• il plui al sta tal scomençâ
• il timp pierdût no si lu cjate plui
• ind mace plui la gole che no la spade
• mancul al sa cui che plui al crôt di savê
• mancul peraulis e plui fats
• mancul robe e plui non
• mancul si sa e plui ben si sta
• mancul siôr e plui bêçs
• nissun plui nemì dal om dal om istès
• nissun plui sort di cui che nol vûl sintî
• nissune maravee no dure plui di trê dîs
• o plui fen o mancul cjavris
• o plui fen o mancul nemâi
• o plui fen o mancul pioris
• plui a 'nd è e mancul a pesin
• plui adalt si va, plui grant bot si cjape
• plui des robis bielis bisugne cjalâ e preseâ chês utilis
• plui e pent e plui e rint
• plui ind mûr e mancul ind reste
• plui piçul al è il cûr des feminis, plui lungje la lenghe
• plui si 'nd à, plui si volarès vênt
• plui si cjape, plui si cjante
• plui si devente viei, plui i carnevâi a pesin
• plui si è, mancul si fâs
• plui si lavore, plui si à ce lavorâ
• plui si messede e plui e puce
• plui si messede e plui si bruse
• plui si mude e piês al è
• plui si pleisi e plui si mostre il cûl
• plui si sbassisi e plui si mostre il cûl
• plui si volte e plui si bruse
• prin di Mai Sant Jacum e Filip o cjatai, tierce dì Sante Crôs e fuì, un pôc plui tart Sant Gotart, e tal doman Sant Florean
• si cjape plui moscjis cuntune tace di mil, che no cuntune bote di asêt
• si va a Rome di plui bandis
• un plat di mancul e un lusôr di plui
• une ore di bon soreli e suie plui di une lissie
• zoventût e no plui