Dizionari de Lenghe Furlane

mai plui    [CO]

1. loc.av. in nissun altri moment tal futûr o dopo di un ciert tiermin temporâl:  lu veve cjatât sul jet, fer, te cjamare balcons siarâts, lis cjandelis impiadis tor di lui. No i pareve vere. Cussì, a colp, sence spietâse, di un moment a chel altri, sence dîsi une peraule, sence podê dîsi mai plui ce che no vevin savût inmò dîsi, al jere finît dut (Jolanda Mazzon, Fûr di timp); "Dopo che je mancjade Miute mai plui ben in cheste cjase…" (Pieri Somede dai Marcs, Vilie di Nadâl (teatri))
   Sin. mai altri , mai plui e mai altri , mai e mai altri , mai¹ , plui
2. loc.av. in nissun altri moment tal passât o prime di un ciert tiermin temporâl:  al è un cjalt di murî, / massime sul misdì: / il soreli ancje lui, / un cjalt compagn no lu à provât mai plui (Pieri Çorut, Il Strolic mezan. Pronostic par l'an 1856); une sdrume di int, mai plui viodude tante a un funerâl, e je lade a compagnâ la puare Licia (Pieri Menis, Si disarès che e je inventade)
   Sin. mai¹ , mai altri
3. loc.av. in nissun câs, in nissune ipotesi:  i cinc republichins, che mai plui no si saressin spietâts un assalt a cuatri pas de caserme, a restarin imbambinîts e a butarin lis armis (Roberto Ongaro, Il muc); o pensavi che mi varès refudât, ma che mai plui mi ofindès (Alan Brusini, Gian Paolo Linda, I forescj)
   Sin. mai altri , mai plui e mai altri , mai e mai altri , mai¹
4. loc.av., loc.inter. ancje par esprimi che si refude dal dut une ipotesi o un fat:  al veve scomençât la vite umiliât, ma finîle compagn, mai plui… E mancul dai fîs… (Maria Forte, La tiere di Lansing)
   Sin. mai altri , mai plui e mai altri , mai e mai altri , mai¹

Components:

• mai¹ av., inter.
• plui av., adi.inv., prep., s.m., coniun., adi.indef.

Proverbis:

• a semenâ un sac di plume, no si racuei mai plui
• ancje chest an mâl e po mai plui ben
• il passût al crôt che no i vegni mai plui fam
• mai plui cjaval il gno mus
• mai plui om il gno mus
• robe dade, mai plui tornade