Dizionari de Lenghe Furlane

mai altri    [CO]

1. loc.av. in nissun altri moment tal futûr o dopo di un ciert tiermin temporâl:  passe vuê, passe doman, mai altri nol tornave (Catarine Percude, Contents e malcontents); mi ricuardi ancje che une dì, stant a Camaldoli, vevi rilevât dut il profîl del golf cu lis sôs isulis, chel biel panorame, chel paradîs, che no dismentearai mai altri insin che vîf (Giovanni Gortani, Trê Rafaei in jerbe)
   Sin. mai plui , mai plui e mai altri , mai e mai altri , mai¹ , plui
2. loc.av. in nissun altri moment tal passât o prime di un ciert tiermin temporâl:  mi jeri visade che dentri di me al cresseve un bruseghin mai altri sintût cun tante fuarce (Gianni Gregoricchio, Trê feminis); al nas fintremai un sfuei, "In Uaite", par dâi une vôs a di chel che nol veve mai altri rivât a fâsi scoltâ (Remo Cacitti, La ocasion pierdude)
   Sin. mai¹ , mai plui
3. loc.av. in nissun câs, in nissune ipotesi:  mai altri no varès crodût che mi capitàs une robe compagne
   Sin. mai plui , mai plui e mai altri , mai e mai altri , mai¹
4. loc.av., loc.inter. ancje par esprimi che si refude dal dut une ipotesi o un fat
   Sin. mai plui , mai plui e mai altri , mai e mai altri , mai¹

Components:

• altri adi.indef., pron.indef., adi., pron., av.
• mai¹ av., inter.

Proverbis:

• ancje vuê mâl, e po mai altri ben