o2
o
[FO]
-
coniun.
cun funzion disiuntive, al coordene elements cul stes valôr dentri di une proposizion o di un periodi, pandint alternative, oposizion, esclusion, al pues stâ denant di ducj i elements de disiunzion, di ducj fale il prin, o ben dome dal ultin:
che al sinti, lui, paial o no paial cheste multe? (Riedo Pup, Jo, evasôr fiscâl);
in ducj i partîts o moviments politics al esist un esecutîf, une presidence, une comission par chest o par chel (Josef Marchet, Moviment Autonomist Furlan pe Federazion dai Popui);
no si capìs se si à di ridi o di vaî (Marc Stolf, Spara Jurij spara (Giovanni, Debora, Pieri & C.))
Sin. o ben
, o pûr
, o che
-
coniun.
daûr di un comant, une prescrizion, une necessitât e v.i., par presentâ une alternative ipotetiche:
il pedon aversari al à di fâ la "prese en passant" subit, a pene che al à la man o nol podarà plui fâle (Nilde Teresa Negro, Zuìn di scacs);
o scuen lâ, o scuen lâ a vierzi la puarte, o vuê no podarai dî di jessi jevade dal jet se no par tirâ flât dibant! (Franca Mainardis, A ôr dal flum)
Sin. câs contrari
, che se di no
, che se no
, o ben
, o se di no
, o se no
, se di no
, se no
-
coniun.
denant di un sinonim o di une esplicazion, un sclariment e v.i.:
la lenghe comune o coinè, che pûr e esisteve di lungje tradizion, e mostrave ancjemò masse ossilazions di forme tes peraulis (Adrian Cescje, Memoriis di politiche linguistiche)
Sin. o ancje
, o ben
, vâl a dî
, ven a dî
, ven a stâi
Polirematichis e espressions idiomatichis