in plui
[FO]
-
loc.av., loc.adi.inv.
in numar o in cuantitât superiôr:
Jacun si inacuarzè a colp che il paiadôr al contave bêçs in plui, ma nol disè verbo (Alviero Negro, El gringo);
par doi agns, o sin stâts incierts, parcè che al jere dome un armistizi, chel di Cormons; no jere une pâs. Di Tresesin insù o sin restâts doi agns in plui sot da la Austrie; di Tresesin injù o jerin sot la aministrazion taliane (Francesc Placerean, La nestre storie)
Sin. di plui
-
loc.av., loc.adi.inv.
di là di ce che al covente, in mût di vanzâ o ancje di dâ fastidi:
al taiave jù dut, fûr di doi trê butui dal ultin an, i plui luncs e fuarts; po dopo ju pleave in bas e ju peave tai filistrins cuntun venc. In fonts al taiave vie i tocs in plui cuntun colp sec (Carlo Sgorlon, Prime di sere);
"O ai un biliet in plui, prins puescj, cui sa se i po interessâ" (Jolanda Mazzon, Fûr di timp);
un vieli che, za di par se, si sint in plui e di intric intun mont che no lu capìs, ma lu sopuarte (Roberto Ongaro, Il muc)
Sin. di plui
, in soreplui
-
loc.av.
zontant alc:
une sielte che e somee coragjose e invezit e je di pôre. In plui no à avignî (Antoni Beline, Sant Jacum, là che al finìs il mont);
se no je la scuele, e passone la ignorance. In plui, une robe biele de scuele e je che si pues gjoldise cui amîs (AAVV, Sul florî)
Sin. sore
, dongje
, parsore
, cun di plui
, in zonte
, di prionte
, par prionte
Cfr. par altri
Components:
-
plui
av., adi.inv., prep., s.m., coniun., adi.indef.