bentrop
/-òp/
ben|trop
[CO]
-
adi.indef.
in cuantitât avonde grande:
lis clâfs di leture a son bentropis (Laurin Zuan Nardin, La enciclopedie di Buri)
Cfr. trop1
, tant
, cetant
, putrop
-
pron.indef.
tal pl., un numar avonde grant di individuis
-
pron.indef.
cun valôr neutri e sens che si lu capìs dal contest, cuantitât avonde grande di alc:
bentrop us costi: lu cognòs, / e o sarès propri sence cûr in pet, / se ancjemò frêt e indiferent o fos (Zuan Batiste Galeri, La Via Crucis in furlan)
-
av.
in cuantitât, misure, intensitât e v.i. avonde grande:
cheste cridince a trusse bentrop cun la schirie des peraulis che si intindin pal arc di Sant Marc in une vorone di lengaçs vie pal mont (Piera Rizzolatti, L'arc di Sant Marc la doman no ven la sere che a nol sedi pantan)