Dizionari de Lenghe Furlane

trop¹  /-ò-/  trop  [FO]

1. adi.int., pron.int., av. in proposizion interogative direte o indirete, in esclamativis, in ce cuantitât, misure o intensitât, sedi di alc di materiâl che di imateriâl, ancje sotintindint di ce che si trate:  "In trops sono muarts? " i domandà il gjornalist (Agnul di Spere, Fieste di inaugurazion); Trops sono che no si visin di lui! (Alan Brusini, Cercandui); viodêt trop esperts che i militârs a son, e trope competence che a àn (Riedo Pup, Lis bombis sul seglâr); "Vêso stât trop venti jù?" (Pieri Piçul, Vieri e gnûf); "Trop isal di fit?" (Carlo Sgorlon, Prime di sere); mi à domandât se o savevi ai trops che o sin vuê (Meni Ucel, Gjigji)
   Sin. cetant
   Var. truop
2. adi.indef., pron.indef., av. massime in espressions negativis, in grande cuantitât, misure o intensitât:  la Gjisute no i dave trop seont e i faseve dome bocje da ridi (Maria Forte, Dome la cjampanute di Sant Bortul); cumò a mi reste nome l'infier, che par dî la veretât no mi fâs trop bon bevi (Luigi Gortani, Meni Fari); par une idee si scombat fintremai che nol coste trop (Josef Marchet, Di bessôi)
   Sin. tant , cetant
   
   1. pron.indef. cuantitât avonde grande di alc, ancje di alc di imateriâl, ancje sotintindint di ce che si trate:  al jere rivât ancje Jacum, il primari, compagnât di un assistent. […] Prin a visitarin il frut, ma no sterin trop dongje di lui (Amedeo Giacomini, Tal ospedâl); no i vin domandât trop; no i vin domandât mai cuissà ce (Francesc Placerean, Si savarìn a dî fra dîs agns!)
      Sin. tant , cetant
   2. pron.indef. tal pl., numar avonde grant di personis:  no i capitave a trops di lôr [di jessi ricoverâts in cjamare bessôi], ma lui, che nol voleve restâ di bessôl cun se stes, nol fo piç content (Amedeo Giacomini, Tal ospedâl)

Polirematichis e espressions idiomatichis

• a dî trop loc.av.
• ni par pôc ni par trop loc.av.
• par trop che loc.coniun.
• trop che si vûl loc.av.

Proverbis:

• a pôc a pôc si va un bon trop
• al è miôr pôc cun justizie che no trop cun pecjât
• bêçs di lot, di pene e di putane no durin trop
• bontimp fat di gnot nol dure trop
• conseiti cun trops e po sielç ce che al va miei
• cui che al fevele trop, al pense pôc
• cui che al mangje trop, i dûl la panze
• cui che al spint pôc al spint trop
• cui che al ten cont dal pôc al ten cont ancje dal trop
• cui che no si contente dal pôc al piert il trop
• cui che nol paie il pôc al paie mancul il trop
• cui che nol ten cont dal pôc nol ten cont dal trop
• cui che nol ten cont dal trop al piert ancje il pôc
• cui che pal trop al piert il pôc al reste cuntun pugn di moscjis
• cui che trop al abrace nuie nol strenç
• cui che trop al bêf pôc al bêf
• cui che trop al vûl nol à nuie
• cul fâ di no capî si sepulìs tropis ofesis
• cul pôc si cjol e cul trop si fâs gnocis
• cul trop tirâ, la cuarde si romp
• cun trops pôcs si fâs un grum
• dal pôc al ven il trop
• dal pôc si gjolt, dal trop si fâs gnocis
• di un sterp no nassin nolis di tropis sortis
• dulà che si crôt di insegnâsi tropis voltis si svuarbisi
• fûr di un sterp a nassin tropis sortis di viminis
• il ben nol è mai trop
• il dissimulâ al sepulìs tropis ofesis
• il popul o che al alce trop o che al sbasse trop
• il timp che si fâs di gnot nol dure trop, chel che si fâs a misdì al dure dut il dì
• il trop al è simpri trop
• il trop vuadagn al sfondere la borse
• il vin al fâs dî trop
• il zurament dal lôf se al dure une ore al dure trop
• la compagnie a fâs fâ trop
• la cuarde co e je trop tirade si romp
• la miserie a fâs fâ trop
• la piore fûr dal trop e je simpri triste
• la trope confidence e fâs mancjance di rispiet
• la trope economie e fore la sachete
• la trope prudence e cole in imprudence
• lis disgraciis a fasin fâ trop
• lis robis grandis a fâlis ben trop timp al conven
• lis tristis pioris a son simpri fûr di trop
• ogni trop al è masse
• ogni trop al romp il grop
• pocje faie, pocje nêf; trope faie, trope nêf
• putrops pôcs a fasin un trop
• se la invidie e fos la fiere, trops di lôr le batarès
• si scomence cul pôc e si finìs cul trop
• tal larc al sta il pôc e il trop
• timp fat di gnot, se al dure une ore al dure trop
• tropis voris, pocje vore
• tropons a son amîs a cjacaris e pôcs a fats
• trops lôfs tor di une piore le àn prest distrigade
• trops mistîrs, nissun di bon
• un sôl ingrât ur fâs mâl a trops pitocs
• vivi trop al è patî trop