taront
/-ò-/
ta|ront
[FO]
-
adi.
che al à forme di cercli, sfere o cilindri o che al somee un cercli, une sfere o un cilindri, ancje cence regolaritât perfete:
su la taule taronde al jere un grant macet di rosis (Pieri Menis, A scuele);
taronde come un formadi tal cîl, la Lune e iluminave il Cormôr, la roie e i prâts dulintor (Christian Romanin, La strie di Basandiele);
un cjariesâr cul tronc taront e dret come une colone (Carlo Sgorlon, Prime di sere)
Sin. tont
Var. toront
-
adi.
che al è caraterizât di une forme o di un profîl a arc:
i mobii, di linie taronde, lustris, lis poltronis di vilût colôr mîl, cu lis franzis, a jerin robe che si viodeve nome al cine (Carlo Sgorlon, Ombris tal infinît);
lis ombrenis ponte cun ponte, mani cun mani, e i manis taronts voltâts parsot (Maria Forte, Il bal spisimât des ombrenis);
il Freikofel lontan, cuintri il cîl, nût e crût, cu la cime taronde come la cupule di une grande glesie di clap (Pieri Menis, La vuere sul Freikofel)
Sin. tont
-
di part dal cuarp, che e à une forme morbide par vie che no je masse magre:
la vestaie i cole ben su la figure, i voluce i flancs taronts (Alan Brusini, Gian Paolo Linda, I forescj)
-
gras o avonde gras:
il canai al vignè sù taront e sveât, a sun di lat e 'suf (Novella Cantarutti, La agna Mia di Ristec);
denant dal spolert in bore, une viele grasse cui braçs taronts e messedave cun fuarce une biele polente zale (Franca Mainardis, Grivôr)
-
adi.
(fig.)
di numar, intîr, cence decimâi o justât su la desene plui dongje:
a fuarce di pocâ e di slungjâ francuts o rivi a dusinte francs taronts (Arturo Feruglio, Viaç a Vignesie)
Sin. just
, tont
-
adi.
(fig.)
che al da une sensazion o une impression di plenece e di armonie:
cirî chel [cacau] che i des ce che al voleve lui, la armonie perfete di fuarce e tenarece. Une fuarce plene, taronde, esplosive (Spirt Anonim, Gjelât di cjocolate)
Sin. tont
-
di vin, cuntun savôr plen e bon, a pene amabil
-
adi.
(fig.)
che al è caraterizât di completece, perfezion:
no vin plui puescj dulà rivâ e robis di fâ. E che o stin ben achì, nô cussì cjocs di malvasie e refosc, che cjalant denant mi ven tal cjâf di dî: "taront". Denant al è dut taront (Stiefin Morat, Donald dal Tiliment);
al provave une sodisfazion plene e taronde, che e rivave fin dentri la anime (Carlo Sgorlon, Ombris tal infinît)
Sin. tont
-
adi.
(fig.)
che al è caraterizât di une ricorence o ripetizion:
alì sot, a vignivin a niâ lis cisilis: un svol taront dute la mari dal dì (Maria Forte, I arcs);
cidule, jù pe rivis tu sês / tu che tu impiis chist vivi taront (Loris Vescul, Cidule)
Sin. tont
-
adi., s.m.
pôc inteligjent:
mi fasin vignî la fote chei tancj che a discorin simpri di cjochis […] no capissin cetant mâl che a fasin e si tegnin in bon di fâlu. Si puedial jessi plui taronts di cussì? (Josef Marchet, Lis predicjis dal muini)
Sin. tont
, stupit
, biât
-
s.m.
cualsisei robe di forme taronde o cu la sezion circolâr:
il taront colôr norance si ficjave tant che une lame di fûc tes montagnis turchinis de Istrie. Il riflès dal soreli tes aghis si distudave a planc (Agnul di Spere, Int no consumade)
Sin. cercli
, tont
Cfr. bale
, disc
-
s.m.
[TS]
art
tes arts figurativis piture dentri une forme taronde:
cuatri taronts cui Profetis a mieç bust (Bepi Agostinis, Storie de art in Friûl)
Sin. tont
-
ogni element decoratîf circolâr
-
adi., s.m.
[TS]
tipogr.
caratar latin normâl, dret, in oposizion a corsîf:
la colone a çampe, in corsîf, e je par talian, chê a drete, in taront, par furlan (Linda Picco, Ricercje su la condizion sociolenghistiche dal furlan)
Sin. roman
-
adi., s.m.
(zerg.)
zergon, lengaç segret dai stagnins:
cuatri sentesins che a i bastavin justa pa la bocjada e il got dal vin, pa la contorta e il scàbit come che a si diseva par taront, il lengaç che a dropavin i stagnins tra di lour, che nissun ju capiva (Novella Cantarutti, Il stagnin)
Proverbis:
- al vâl plui un pan taront che no un mus in taule
- cui che al nas cuadri al crepe taront
- i bêçs a son fats taronts par che a corin
- i bêçs a son taronts: a stan pôc a lâ
- il mont al è taront e a no savê nadâ si va a fonts
- il mont al è taront e cui che al sa nadâ nol va a fonts
- il sporc e il malmont a àn il cûl taront
- la lune no je simpri taronde
- soç e mont a fasin il cûl taront
- sporc e mont a fasin il cûl taront