gras
gras
[FO]
-
s.m.
sostance lipidiche cun diviersis funzions tal organisim, in particolâr di risierve di energjie, che e pues ancje jessi estrate, lavorade, rafinade e doprade tant che aliment, ingredient, lubrificant, combustibil e v.i.:
al veve un barbonçâl di gras che i contornave come une curnîs la muse fintremai aes orelis (Pieri Somede dai Marcs, Il tinel);
a di cui che al tire sù lis bestiis […] si domandii di scurtâ i timps di produzion, di fâ il lat cuntune vore di gras e di proteine, e dut a bon marcjât (Bruno August Pinat, E je "mate" cheste agriculture);
une diete di fier, cence alcul e cence gras (Amedeo Giacomini, Tal ospedâl);
lis scarpis a pene lustradis, che a nulivin di gras (Raffaele Serafini, Altris contis di famee)
Cfr. grassin
, cicin
, grassum
, ardiel
, saìn
, sonze
, sêf
, spongje
, smîr
, svuirç
, vueli1
, ont
, grassiç
-
adi.
che al à presince o bondance di sostance lipidiche:
cjar, cjar e cjar, cussì grasse che e faseve un dêt di cuince parsore dal brût (Maria Forte, "Nossent")
Cfr. ont
, vueleôs
-
adi., s.m.
che, cui che al à il cuarp cun tant gras:
cjalilu li, nancje di cognossilu, gras tant che une bafe! (Alan Brusini, Come tai romançs);
grasse come che e jere, e someave plui largje che alte (Pieri Menis, Agne Ursule);
Tin plui suiât, ma cun biele ciere e Gusto […] al jere gras come un faìn (Maria Forte, Dome la cjampanute di Sant Bortul)
Sin. panzon
, panzôs
, complen
, tont
, taront
, penç
-
adi.
che al à tante sostance, che al fâs cressi ben lis plantis:
jo o gjolt a nulî, / tra lûs e scûr, / il bonodôr de tiere grasse (Nicola Malisani, Tiere);
a lavorarin ribaltant dute le tiere, butant dentri tai fossâi mussulins di ledan gras fumant (Pieri Menis, Sul agâr)
-
adi.
di materiâl, misture e v.i., che e à bondance di une cierte sostance, che e à bondance di un element o di plui elements di presi e v.i.:
al cjapà la pale incolme e le pleà in svuinc, par mostrâi che la malte grasse no si distacave (Maria Forte, La tiere di Lansing)
-
adi.
che al à consistence, che al è grues:
prâts di fen alt e gras e boscs neris di pins (Pieri Menis, Une letare par Bepo)
-
adi.
(fig.)
bondant, che al puarte bondance:
simpri in spiete de anade grasse (Maria Forte, Cjase di Dalban)
Sin. siôr
-
che al à bêçs, vantaçs e v.i.:
si à scugnût rimpolpâ la za grasse grepie triestine (Antoni Beline, Universitât: un sium deludent e masse salât)
-
adi.
pandût cence moderazion:
no ai podût fâ altri che sgargaiâi te muse une ridade cence fin, une ridade cussì grasse che dut ce che i vevi denant al sbrissave e si robaltave par aiar (Stiefin Morat, Kebar krossè)
-
caraterizât di volgaritât, ancje picante, ancje in funz. di av.:
no i mancjave nancje il strambolot saurît e gras e alore lis feminis a ridevin ancje se su la muse ur lave sù il ros (Maria Forte, Il bal spisimât des ombrenis);
no si compuartave come chei tancj che, subit che une frute ur fâs bon, a scomencin a fevelâ gras e no tegnin lis mans a puest (Meni Ucel, Misure)
Polirematichis e espressions idiomatichis
Proverbis:
- cuant che il purcit al è gras, e je ore di copâlu
- miôr un justament magri che no une grasse sentence
- miôr une magre convenzion che no une grasse sentence
- no bisugne lagnâsi dal brût gras
- no lagnâsi dal brût gras
- se tu âs ben gjoldût, se tu âs mâl semenât, friditi tal to gras
