Dizionari de Lenghe Furlane

vueli¹  /-è-/  vue|li  [FO]

1. s.m. sostance grasse, licuide in cundizions normâls, che no si disfe inte aghe, e che e pues vê origjin vegjetâl, animâl o minerâl, doprade, daûr de cualitât che dispès si sotintint e si capìs dal contest, soredut tant che aliment, lubrificant, combustibil, cosmetic e v.i.:  i vuelis a àn un alt valôr energjetic (Guglielmo Pitzalis, Mangje san 3); patatis bulidis, cuinçadis cjaldis cul vueli, sâl e asêt (Giorgio Pascoli, Il Litum: jerbis salvadiis te cusine); mi coventin cinc francs par cjoli il sâl, il vueli, il zucar (Pieri Somede dai Marcs, La buteghe dal barbîr); ongulis neris di morcje e un sotfont di odôr di vueli e di benzine che nol leve mai vie (Antescûr, Il svol dal Falcone); il luminut tal veri colôr sope di vin al veve simpri bondance di vueli par vivi dute la gnot (Maria Forte, La rive di Sant Pieri)
2. s.m. (ancje fig.) in metaforis o comparazion, par dî alc di slis:  la gondule silenziose e sbrisse su la aghe cuiete come el vueli (Arturo Feruglio, Viaç a Vignesie)
   Sin. spieli
   
   1. in metaforis o comparazions par segnâ alc o cdn. che al sta parsore, ancje tal sens di comandâ, dominâ e v.i.:  al veve fat il prepotent, simpri parsore come il vueli cui fradis e parfin cul pari (Pieri Menis, Chei di Muraie)
3. s.m. [TS] pit. ognidun dai vuelis vegjetâi doprâts par disfâ i colôrs e lis vernîs:  odôrs dai incens e dai fums, messedâts a chei dai vuelis di piture (Franco Marchetta, Madalene)
   
   1. tecniche di piture che e dopre colôrs tratâts in chê maniere:  al curiosave fra i ex voto picjâts sù pal mûr di un altâr, cruchiis, gjambis e braçs di len, cûrs di arint, cuadruts piturâts a vueli (Pieri Somede dai Marcs, Ta la ombre dal santuari)
   2. cuadri piturât cun chê tecniche:  plui di cuatricent oparis, fra vuelis, acuarei, pastei, chine e lapis (Bepi Agostinis, Storie de art in Friûl)

Polirematichis e espressions idiomatichis

• di vueli sant loc.adi.inv., loc.av.
• sot vueli loc.av., loc.adi.indef.
• vueli sant loc.s.m.

Proverbis:

• a cuinçâ la salate al vûl un mat a meti il vueli e un savi l'asêt
• a spandi vueli, a tocjin disgraciis
• al vâl plui il vueli che no la lum
• la bausie e ven parsore tant che il vueli
• la lum no art cence vueli
• la lûs no art cence vueli
• la veretât o di fieste o di dîs di vore tant che il vueli e ven parsore
• o tart o adore la bausie tant che il vueli e ven parsore
• par cuinçâ ben il lidric al vûl: pal vueli un avâr, pal asêt un moderât e a messedâlu un mat
• ta chê lum che nol è vueli, no covente meti pavêr
• un mat a meti il vueli, un savi a meti l'asêt
• vueli in cime, vin tal mieç, mîl sul fonts