spongje
/-ò-/
spon|gje
[AF]
-
s.f.
derivât dal lat che si oten fasint che la part grasse dal lat si dedi dongje, doprât tant che aliment o ingredient:
cu la brume de setemane si faseve, la sabide dopo misdì, la spongje e, dopo di vêle striçade dal pignot, le mandavin jù pal poç tal zei dal lidric par che si indurìs vie pe gnot (Pieri Menis, Il cuader de none);
i citadins a volaressin vê il lat, il formadi, la spongje gjenuins e bogns ma no lis vacjis e il ledan (Riedo Pup, I furlans e il ledan);
messedait mieç chilo di farine cun doi ûfs, 40 grams di spongje, o dôs, trê sedons di pane di lat (ancje bolît), 120 grams di zucar, marsale […] (Emilia Baldassarre, Ort e cusine)
Var. butîr
, menade
Cfr. ont
, pan1
, balet2
, pigne2
-
(estens.)
derivât gras ancje di altris sostancis che no sedin il lat:
spongje di bagjigjis
Cfr. gras
, vueli1
-
s.f.
(fig., fam.)
in paragons o metaforis, par dî di alc une vore tenar:
plats di patatutis gnovis e di vuaìnis frescjis, tenaris come spongje (Riedo Pup, I furlans e lis feriis);
i curtìs a jentravin tal len come che al fos di spongje (Carlo Sgorlon, Ombris tal infinît)
-
ancje di une persone o di part dal cuarp, tenare, grasse o tarondite:
Helmut nol someave plui chel frut fat di spongje bavarese (Maria Forte, La tiere di Lansing)
Proverbis:
- no je mai spongje che no lassi scoladuris
- spongje di vacje, formadi di piore, scuete di cjavre