platât
pla|tât
[FO]
-
p.pass., adi.
viôt platâ
, viôt platâsi
-
adi.
che al sta o al è tignût tun ciert puest par no jessi cjatât o scuviert:
pensait a lis nestris puaris nonis, a fâ fen in mont o a vore tai cjamps, cui carantans e lis vincjutis platâts tal pic dal façolet, te sachete de cotule, sot dal grumâl (Riedo Pup, I furlans e i bêçs);
il segret al jere che cjase sô, un pressapôc a mieze cjase, sot di une planele rosse a jerin platâts i trê chilos di aur de Sante Marie Vergjine Dolorade di Trapani (Ivano Urli, Storie di Min)
Sin. scuindût
, nascuindût
-
di puest, lontan de int, di no jessi cognossût o viodût:
cui che al jere stât striât par distriâsi al brusave une cjamese o altris vistiaris tal ort o tal curtîl, intun puest platât là che nissun al viodeve (Popolâr - Istitût di Ricercje Achil Telin, Il fugaron des striis - Friûl di Mieç)
-
adi.
fat di scuindon par che cdn. no si inacuarzi:
disvelade cheste tratative "platade", parcè no varessino di jessi contents? (Walter Tomada, Mediocredito, l'ultin regâl furlan a Rome)
Sin. ascôs
, caut
, cautelôs
, di scuindon
, prudent
, scosagn
, segret
-
adi.
che no si viôt, par vie che al è daûr di alc altri o par vie che al è lontan o fûr di man:
i cjamps no jerin siei: a jerin dal paron, il cont Detalmo di Breçà, che al stave tal cjistiel platât tal zardin jenfri lis cantinis e i stalons dai cjavai (Riedo Pup, Vigji Brusin);
tal curtîl, platât intun cjanton, al è un armelinâr in flôr (Ivano Urli, Beput Cinisiti);
in banda dal troi, platât, da pie il Çuculut, al era un bâr di pesteli: na sola rosa vierta e tancju buts picinins (Novella Cantarutti, Pesteli)
Sin. scuindût
, nascuindût
Cfr. imbusât
-
adi.
che no si lu fâs savê o capî, che si lu ten ta la anime, te ment e sim.:
chês peraulis a ribatevin une pôre sutile e platade che e jere ancje dentri di me (Carlo Sgorlon, Il dolfin);
tu no stâ a esponiti su lis tôs sieltis, no stâ a pandilis, par cumò. Se tu âs za ideis tôs, tegnilis ben platadis (Adrian Cescje, Memoriis di politiche linguistiche);
al taseve: al jere ancje in chel tasê, il torment platât (Dino Virgili, La aghe da pît la cleve)
Sin. cuviert
, segret
, scuindût
, nascuindût
, ascôs
, scosagn
-
adi.
che no si rive a capî o che no si rive a capî daurman:
al è dificil di descrivi. Al è alc platât sot de mê ment cussiente… alc che al vignarà fûr… (Checo Tam, Ombris);
al leve a cirî rapuarts platâts e misteriôs tra lis robis, segns, profeziis, induvinei (Carlo Sgorlon, Il dolfin)
Sin. ascôs
, invisibil
, misteriôs
, scosagn
, soterani
, scuindût
, nascuindût
-
s.m.
[TS]
zûcs
viôt zuiâ di platât