Dizionari de Lenghe Furlane

profonditât  pro|fon|di|tât  [AF]

1. s.f. cundizion, dimension e misure di ce che al è o che al va insot o indentri par une cierte estension:  la laguna, taiada da vincjacuatri canâi, presenta una profonditât massima di 38 pîts e 10 oncis nel flun Anfora (Federigo Comelli, Il me paîs); il taramot dai 11 di Març dal 2011 (14: 46 ore locâl), cun epicentri tal mâr a 130 km de penisule di Ojika ae profonditât di 24 km, al à vût une durade di cuasi 3 minûts e une magnitudo di 9 MMS (Alessandro Pascolini, Il disastri de centrâl nucleâr di Fukushima Dai-ichi)
   Sin. altece , fonde , fondece , fonditât
   
   1. part di alc che e je insot o indentri:  ogni sorte di animâi di mâr di pêl da la aghe e di profonditât (Giovanni Battauz, Flavio Cossar, Renato Iacumin, I mosaics de basiliche di Aquilee)
      Sin. fonts
   2. [TS] art efiet di tridimensionalitât:  la muse che Sogan i veve disegnade intor e jere perfete. Lis ombris a devin profonditât (Raffaele Serafini, Soreli jevât a mont)
2. s.f. ancje. tal pl., zone plui lontane o platade:  chei operaris che a lavorarin tal principi dal Nûfcent tes profonditâts des Americhis, o tal "Far East" de Russie, fintremai in Siberie (Angelo Floramo, Il misteri dai Mosaics)
   Sin. ricès
   
   1. timp lunc o lontan, estension cronologjiche lungje:  la profonditât dai secui sierade tes contis de int e reste pal solit platade (Sandri Carrozzo, Il miluç de magne)
3. s.f. (fig.) complessitât o ricjece di ideis, significâts, emozions, elements psicologjics e v.i.:  la filosofie e la sience, jentradis intune profonditât di cuistions indulà che la fole no rive, a scuegnin creâsi un lôr lengaç particolâr (Josef Marchet, Un element fondamentâl dal moviment autonomistic)
   Sin. fonde , fondece , fonditât , penzece
   
   1. significât interni o complet:  a àn capît adore e in profonditât che chi di nô la situazion e je ancjemò miôr che no in Americhe (Riedo Pup, Par paiâ al vûl mistîr)
      Cfr. insot
4. s.f. (fig.) intimitât di une persone:  come che si nas furlans, si nas ancje autonomiscj. Al è come une sorte di sigjîl o di marcje indelebil, che ti segne in profonditât (Antoni Beline, Autonomiscj si nas)
   Sin. fonde , fondece , fonditât , fonts , foran , intim , intimitât , intrinsic , riscôs , segret , sprofont , traclut