altece
/-tè-/
al|te|ce
[AF]
-
s.f.
grandece in verticâl, distance in verticâl tra doi ponts:
a son stâts metûts inte aree 33 segnâi rifletôrs cilindrics (5 cm di diametri x 5 cm di altece) (Domenico Visintini, Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion)
-
grandece di cdn. dai pîts fin insom dal cjâf:
par i siei cutuardis agn al jere ben metût, al veve zaromai cjapât il pari in altece, e ancje come pês al prometeve di no deludi la gjernazie (Carlo Tolazzi, La salamandrie tal fûc)
Sin. grandece
, stature
-
elevazion rispiet a un pont di riferiment:
une struture servide ancje di une ferovie che i cor dongje e di une teleferiche par rivâ adore a puartâ sù materiâi fin ae altece di 2.356 metris sul nivel dal mâr (Angelo Floramo, Cuintristorie dal Nûfcent 1930-1940)
-
di une piece di stofe, distance jenfri i doi ôrs:
la tele e à di vê almancul cinc cuartis di altece (Giulio Andrea Pirona, Ercole Carletti, Giovanni Battista Corgnali, Il Nuovo Pirona)
Sin. largjece
-
s.f.
distance di tiere o posizion plui adalt rispiet ae tiere:
la altece che l'inglês si jere butât [cul parecjadudis] e jere intor dai cinccent metris e aromai i mancjave pôc par rivâ par tiere (Roberto Ongaro, Il muc)
Sin. adalt
-
s.f.
(fig., ancje iron., ancje antifr.)
posizion di autoritât, di autorevolece, di superioritât jerarchiche:
se tu ur berlis la veretât in muse tu ju sbatis jù de lôr altece (Pieri Piçul, Vieri e gnûf);
tu sês rivât adore di deventâ cuasi sergjent! Corponon, ce altece! (Josef Marchet, Lis predicjis dal muini);
al fevelave de vite, che al varès vût inmò di frontâ, de altece dai siei undis agns (Roberto Ongaro, Il muc)
-
s.f.
determinazion gjeografiche de latitudin o ancje posizion gjeografiche in corispondence di un ciert pont di riferiment:
il Po al à tracimât a la altece di Codigoro e al è parsore la vuardie in chel di Mantue (Josef Marchet, La arionautiche)
Sin. latitudin
-
s.f.
[TS]
astron.
angul che al dîs la distance jenfri la posizion di une stele e l'orizont:
leade al spostament dai ponts di jevade e amont e je ancje la variazion de altece massime di une cierte stele sul orizont (Nando Patat, Archeoastronomie in Friûl)
-
s.f.
[TS]
fis., mus., fon.
carateristiche di un sun in funzion de frecuence:
la intonazion di une lenghe e je l'efiet acustic e percetîf che al ven dât de variazion de altece dai suns intune peraule o intune frase (Paolo Roseano, La intonazion des frasis declarativis e des domandis polârs par furlan)
-
s.f.
[TS]
fon.
carateristiche di une vocâl, definide daûr de posizion la lenghe che si svicine di plui o di mancul al cîl de bocje:
la altece di /e/ e je medie
Polirematichis e espressions idiomatichis
Proverbis:
- par rivâ a ciertis altecis o bisugne fâsi cais o ben jessi acuilis