grandece
/-dè-/
gran|de|ce
[AF]
-
s.f.
complès des dimensions di un cuarp o di un ogjet:
"O vorès vê une ghirlande di rosis, par puartâle su la tombe de mê puore muîr […]" "La ordenarai subit al stabiliment; di ce grandece la vuelial?" (Vittorio Vittorello, A ogni cost);
une pile di scjatulis e scjatulons di ogni colôr e grandece (Pieri Menis, Il tesaur di done Cheche)
Sin. taie
Cfr. dimension
, misure
-
dimension in altece:
la lôr particolaritât [des statuis] e je la grande misure che e va ben plui in là dal rapuart 1 a 1 cu lis personis veris: la lôr grandece e je di 186 cm. (Fabrizi Paschin, Il templi mistereôs dai Langobarts)
Sin. altece
-
[TS]
sient.
cualsisei ent o caratar che al pues jessi misurât:
e vie indenant par dutis chês altris grandecis: fuarce, lavôr, masse, potence… (Franco Vigo, Unitâts des misuris)
-
s.f.
cualitât di cui e di ce che al à dimensions grandis o che al è grant te dimension de altece:
la int si fermave a cjalâ chei soldadons che o jerin, che in chê volte i alpins a jerin ducj grancj. Ma plui de grandece e dal fusîl 91, a di chê int ur faseve colp l'alpistoc: cui sa a ce dal diaul che al siarvive chel ranganel li! (Pieri Menis, La setemane rosse)
Sin. altece ipon.
-
s.f.
cualitât di ce o di cui che al è impuartant, significant, influent, amirabil e v.i.:
a jê i interessave nome che a fossin jentrâts te storie de famee, e che jê e ves robis di contâmi de nestre grandece passade (Carlo Sgorlon, Il dolfin);
lei sù a Castagnavize / a visitâ il Convent. / Subit chei religjôs / cortês e gjenerôs, / mi mostrarin a dêt il monument / là che il mortâl impare / ce che sei la grandece su la tiare (Pieri Çorut, Çorut a Gurize);
il vescul di Salisburc Jaroni di Colorêt […] nol capì la grandece di W.A. Mozart (Agnul di Spere, Colorêt)
Sin. impuartance
, significance
, puartade
-
s.f.
nobiltât spirituâl:
compagns di sventure, ma ancje di venture, di delusions, ma ancje di sperancis, di faliments ma ancje di realizazions straordenariis, di miserie morâl, ma ancje di grandece e santitât sflandorose (Antoni Beline, Sant Jacum, là che al finìs il mont);
il marcjât, nestre divinitât imperant, no dome al à violentade la bielece dal mont ma al à corot ce che di plui nobil al è: la grandece interiôr dal om (Tonin Cjapielâr, Lôr nus condanin nô)
Sin. magnanimitât
-
s.f.
ancje tal pl., maniere di fâ, di svantâsi, di spindi tant e v.i. che e mostre supierbie:
mi fasin di ridi a mi chês grandecis (Ercole Carletti, Mariute)
