misure
/-ù-/
mi|su|re
[FO]
-
s.f.
valôr numeric che si da a une cierte grandece, in gjenar daûr di une unitât standardizade:
vincjedoi fantaçons che a i corin sicu scoreâts daûr di un balon intun cjamp lunc 120 metris e larc 80 (cuissà se lis misuris a son justis!) (Laurin Zuan Nardin, Vincjedoi)
-
s.f.
sisteme, unitât o imprest che si dopre par misurâ:
la "cevre", come misure di cjalcine, e jere stade fissade sui undis pesenâi (Josef Marchet, Sevrut e sevre)
-
s.f.
in relazion a vistîts, scarpis e v.i., grandece che si juste aes dimensions dal cuarp:
dutis lis monturis identichis, dutis lis scarpis compagnis, dutis lis baretis di chê misure stesse (Josef Marchet, Personis e pipins);
"[…] E po… tute… a voli o disarès cheste misure achì… dôs tutis pai alenaments… e… bon une tute pes partidis […]" (Stiefin Morat, Donald dal Tiliment)
Sin. numar
, taie
-
dimension dal cuarp o di une sô part:
vistût simpri o cun gjachetutis che i stavin a stic o che lu infagotavin e i colavin jù di spalis come sacs che i braçuts si pierdevin ta maniis par vie che e jere simpri robe regalade di cui che no veve la sô misure (Maria Gioitti del Monaco, Samence di fîl neri)
-
s.f.
in sens gjeneric, dimension, cuantitât, intensitât, maniere, fate e v.i.:
il Congrès des Regjons europeis al à mostrade la vere sostance e la vere misure di tantis cuistions che îr a passavin come rognutis particolârs di chest o di chel cjantonut di chest mont (Josef Marchet, Europe regjonaliste);
un conflit sociâl e, intune cierte misure ancje politic, che al à lidrîs plui antighis e che al larà indenant ancjemò a dilunc (Carli Pup, Il Friûl de Joibe Grasse dal 1511);
dirit che a àn ducj in chest mont di jessi considerâts de istesse misure, pal fat che a son umign (Alviero Negro, Int di masnade)
-
s.f.
(fig.)
pont di riferiment, tiermin di paragon, criteri di valutazion:
la persone di Crist e je la misure de fede. In fonts, se jo o crôt ae peraule di Crist, i crôt parcè che o ai cjapade la sô persone par metro de veretât (Francesc Placerean, Crist re cence prepotence);
lis vacjis, si sa, a jerin pai furlans la misure di ogni ricjece: al jere siorut chel che al veve une biele stale di bestiis (Riedo Pup, I furlans e lis bestiis)
Sin. criteri
, norme
-
s.f.
nivel medi, normâl:
al jere stât un stravagant pe misure dal paîs, ma no un salvadi, e di lui nissun veve alc da vê (Maria Forte, La tiere di Lansing)
Sin. medie
, normalitât
, norme
-
s.f.
(fig.)
ecuilibri, moderazion:
i furlans a restin un popul di lavoradôrs che cence fâ tante confusion a van indevant cun serietât, cun misure, cence fevelâ dibant (Christian Romanin, Dino Zoff: «O vin lidrîs buinis, o vin di tignîlis di cont»);
par dî la veretât cumò, in famee nol mancjave nuie, ma la misure e jere restade (Maria Forte, La tiere di Lansing);
a era passada ta stu mont cença fâ sunsûr e a veva cjapât il vivi tuna misura justa tra il ridi e il vaî (Novella Cantarutti, La passion di Donât Ramaç)
Sin. discrezion
, ecuilibri
, moderazion
, regule
, sintiment
-
s.f.
massime tal pl., proviodiment par rivâ a obietîfs determinâts denant vie:
si domande che si cjapin dutis lis misuris che a coventin par tutelâ e par mantignî lis lenghis e lis culturis di comunitâts etnichis periferichis (Marc Stolf, Minorancis linguistichis)
Sin. disposizion
, proviodiment
Polirematichis e espressions idiomatichis
Proverbis:
- a cui che no le misure i vignarà misurade cuntune misure buzarade
- la misure co e je colme e va parsore
- la misure di volê ben e je chê di volê ben cence misure
- misure e pese e no tu varâs contese
- pês e misure a devin jessi, il contrat al è libar
- si da la rassadorie cuant che e je plene la misure