su misure [CO]
- loc.av., loc.adi.inv. di robe di meti intor o ancje di mobilie, robe pe cjase e v.i., fate cjapant lis misuris justis di une persone o di un lûc e no daûr di un model standardizât za pront: chê mude che al discoreve,e jere la prime che sô mari i veve fât fâ su misure dal Bonzio, che al jere stât in cjase, come che si usave in chei timps, par un cuindis dîs a cusî bregons e camisolis par ducj (Meni Ucel, La ombrene); al jere une volte un cjaliâr. Un di chei che, timps in daûr, a fasevin scarpis su misure pe int. Chest cjaliâr al jere brâf, une vore brâf (Laurin Zuan Nardin, Il cjaliâr)
- loc.av., loc.adi.inv. (fig.) di cualsisei robe, fate in maniere specifiche par cdn., par alc, par une situazion: cheste scansion de zornade, ideâl, e je fate su misure des comunitâts religjosis, che e àn une vite dute regolade( (Antoni Beline, La fabriche dai predis); si va de persecuzion dal partît politic "Batasuna" (za "Herri Batasuna") - cumò ilegalizât cuntune leç fate su misure - ae sierade dai cuotidians "Egin" e "Euskadunon Egunkaria" (Carli Pup, Autodeterminazion: la lote di Euskal Herria)
- misure s.f.