ecuilibri
/-lì-/
e|cui|li|bri
[AF]
-
s.m.
posizion, cundizion o facoltât che e permet a alc o a cdn. di restâ sù, di no colâ:
si plee dute di une bande, a piart l'equilibri e po dopo: crac … a si sinte su la sporte (Lucia Scoziero, Miei prime)
Sin. belançament
, stabilitât
Var. cuilibri
Cfr. belance
-
s.m.
(fig.)
situazion li che plui elements o fuarcis contrariis o diviersis si belancin, a stan dongje o insiemi cence disarmoniis:
un ecuilibri dispès dificil tra la voie di jessi libars e chê di produsi consens su cuistions specifichis che a tocjin ducj (Max Mauro, Un Friûl difarent: i 90 mhz di Onde Furlane);
si varès di cirî di realizâ un just ecuilibri tra identitât e universalitât (Franc Fari, Eric Pascul, Autonomie e democrazie, i numars de socializazion umane)
Sin. armonie
-
s.m.
stabilitât mentâl e emotive:
il gno ecuilibri sui rapuarts cu la vite al jere deventât plui balarin che mai (Gianni Gregoricchio, Trê feminis)
-
s.m.
maniere di fâ o di jessi misurade, adatade:
no mi pâr che Clare e vebi mancjât di cuilibri cun nissun… (Pieri Piçul, Vieri e gnûf)
Sin. misure
, moderazion
, sintiment