belance
/-à-/
be|lan|ce
[AF]
-
s.f.
imprest doprât par misurâ il pês di un cuarp:
[…] sul banc une belance rosse grande cuntun plat lusint e une altre robe rosse cuntune ruede che mi à dit gno pari che e servìs par taiâ il salam (Carlo Zanini, A inferâ la cjavale);
gno marît l'è lât in France / a comprâ une belance / par pesâ gno barbe crot / che al pesave un e vot (Zuan Nazzi Matalon, Ottorino Burelli, Sacheburache)
Var. balance
Cfr. staderie
, plat
, puint
, spere1
-
s.f.
ecuilibri tra valôrs, soredut economics:
la Bancje di Italie e à stimât che, simpri tal 2013, la belance turistiche dai paiaments e à puartât un avanz di cuasi 13 miliarts di euros (Attilio Celant, Il rûl economic dal turisim in Italie);
se […] al ves di alçâsi il deficit dal stât e di pesantîsi inmò di plui la belance dai paiaments, alore la int e començarès a pensâ che, forsit, la storie no je propit come che le vevin piturade (Riedo Pup, Il scandul dal Corpus Domini)
Sin. belanç
-
sisteme complès di plui fuarcis:
al vûl cirût di unî intun i sfuarçs e il pês di dutis lis comunitâts naturâls par cjalcjâ la belance de politiche europee (Josef Marchet, Europe regjonaliste)
-
s.f.
(fig.)
ecuilibri ancje de persone o di un cuarp:
Selmo si fermà cu lis gjambis a larc, par tignîsi in belance (Pieri Menis, Il fi de Rosse)
Cfr. ecuilibri
, plomp1
-
s.f.
(fig.)
sisteme di valutazion, ancje morâl:
dut al dipent di ce bande che si metisi a cjalâle [la situazion politiche], cun ce belance che si la pese e cun ce criteris che si fâs la stime (Josef Marchet, …come che e diseve la gjate di Aquilee)
-
s.f.
(fig.)
situazion di sospension, che e va sù e jù plui voltis, cence rivâ a une stabilitât o a une sigurece:
chel spasemant vidriç, chel mus sence creance / ti interessave tant? E cjoltal, se al ti plâs! / Dome o devi visâti che su cheste belance / no tu mi tegnis plui (Ercole Carletti, Sot la nape)
-
s.f.
[TS]
pescj.
rêt cuadrade tacade pes pichis a dôs astis che si plein e che le tegnin vierte, tiradis sù di un argagn
Sin. vuaton
-
s.f.
[TS]
tecn.
toc dal mecanisim di orlois che al à funzion di pendul
Sin. belancîr
-
s.f.
[CO, TS]
astron., astrol.
soredut cun iniz. maiusc., costelazion dal Zodiac, lat. Libra:
a çampe, costelazion dal Roc; a man drete, costelazion de Belance (Giovanni Battauz, Flavio Cossar, Renato Iacumin, I mosaics de basiliche di Aquilee)
-
segn zodiacâl che al corispuint a chê costelazion, che al ten sot chei che a son nassûts jenfri jenfri i 23 di Setembar e i 22 di Otubar:
simpri secont di chel gjeni che al à inventât i oroscops, a chei de belance ur plâs ancje la bielece (Bete di Spere, Zodiac furlan. Belance)
-
s.m.inv., adi.inv.
che, cui che al è nassût sot di chel segn zodiacâl
Polirematichis e espressions idiomatichis
